ކ. މާލެ
|
4 މާރޗް 2024 | ހޯމަ 08:49
ސިޓީގެ ދެވަނަ ލަނޑު ޖެހުމަށްފަހު ފިލް ފޮޑެން
ސިޓީގެ ދެވަނަ ލަނޑު ޖެހުމަށްފަހު ފިލް ފޮޑެން
ރޮއިޓާސް
އިނގިރޭސި ޕްރިމިއަރ ލީގު
މިވަގުތު ޕްރިމިއަރ ލީގުގައި ހުރި އެންމެ މޮޅު ކުޅުންތެރިއަކީ ފޮޑެން- ގާޑިއޯލާ
 
ޔުނައިޓެޑް އަތުން މޮޅުވި މެޗުގައި ފޮޑެން ދެ ލަނޑު ޖެހި

މިވަގުތު ޕްރިމިއަރ ލީގުގައި ހުރި އެންމެ މޮޅު ކުޅުންތެރިއަކީ ފޮޑެން މެންޗެސްޓަރ ސިޓީގެ ކޯޗު ޕެޕް ގާޑިއޯލާ ބުނެފިއެވެ.

ގާޑިއޯލާގެ ތައުރީފް އިނގިރޭސި ޒުވާން މިޑްފީލްޑަރ ފިލް ފޮޑެންއަށް އޮއްސާލީ ލީގުގައި ރޭ މެންޗެސްޓަރ ޔުނައިޓެޑް އަތުން މޮޅުވި މެޗަށްފަހު އެވެ. މެޗުން ސިޓީ މޮޅުވީ ދެވަނަ ހާފްގައި ފޮޑެން ޖެހި ދެ ލަނޑުން ނެވެ. މެޗު ސިޓީން ކާމިޔާބުކުރީ ޔުނައިޓެޑުން ފުރަތަމަ ލަނޑު ޖަހާފައި ވަނިކޮށް, ފަހަތުން އަރާ ތިން ލަނޑު ޖަހައިގެންނެވެ. މެޗުގެ 8 ވަނަ މިނިޓްގައި ޔުނައިޓެޑުން ލީޑް ނެގީ މާކަސް ރަޝްފޯޑް ޖެހި ލަނޑުންނެވެ. ސިޓީއަށް ދެވަނަ ހާފްގެ ކުރީކޮޅު ނަތީޖާ ހަމަހަމަ ކޮށްދިނީ ފޮޑެން އެވެ. އަދި 80 ވަނަ މިނިޓްގައި ލީޑް ނަގައިދިނީވެސް ފޮޑެން އެވެ. ތިންވަނަ ލަނޑު އިތުރު ވަގުތުގައި ޖެހީ ހާލަންޑެވެ.

ގާޑިއޯލާ ބުނީ ފޮޑެން އަކީ އަބަދުވެސް ހުނަރުވެރި ކުޅުންތެރިއެއް ކަމަށާއި, އެކަމަކު މިހާރު ފޮޑެން ހުރިހާ ގޮތަކުންވެސް ފައްކާ ވެއްޖެ ކަމަށެވެ. ގޭމް ދެނެގަތުމާއި, ޑިފެންސްގައި ބައިވެރިވުންވެސް ފޮޑެންގައި ކިބައިން ފެންނަކަން ގާޑިއޯލާ ފާހަގަކުރިއެވެ. މިއީ އެންމެ ފަހުން ޔުނައިޓެޑާ ދެކޮޅަށް ސިޓީން ކުޅުނު ހަތް މެޗުގެ ތެރެއިން ހޯދި ހަވަނަ މޮޅެވެ.

މޮޅާއެކު ސިޓީ ދެވަނައިގައި އޮތީ 27 މެޗުން 62 ޕޮއިންޓާ އެކުއެވެ. އެއްވަނައި އޮތީ 63 ޕޮއިންޓާއެކު ލިވަޕޫލެވެ. ޔުނައިޓެޑް އޮތީ 44 ޕޮއިންޓާއެކު ހަ ވަނައިގަ އެވެ.

Advertisement
އެންމެ ފަހުން އަޕްޑޭޓް ކުރީ: 3 ދުވަަސް ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް