މާލޭ ފިހާރައެއްގައި އަލިފާނުގެ ހާދިސާއެއް ހިނގައިފި

މާލޭ ފިހާރައެއްގައި އަލިފާނުގެ ހާދިސާއެއް ހިނގައިފިއެވެ.

އެމްއެންޑީއެފްއިން ބުނީ މ.ކޯޒީ ލޮޖްގެ ގްރައުންޑް ފްލޯގައި ހުރި ކައިޓިއާ ފިހާރައިގައި އަލިފާން ރޯވެގެން ރިޕޯޓް ލިބިފައިވަނީ އަންގާރަ ދުވަހުގެރޭ ދަންވަރު 03:28 ހާއިރު ކަމަށެވެ. އެ ފިހާރަ ތަޅުލާފައި ހުރުމުން ފިހާރައިގެ ބިއްލޫރިގަނޑު ތަޅާލައިގެން ވަދެ، އެފްއާރުއެސްގެ ފަޔަރ ފައިޓަރުން ރޯވި އަލިފާންގަނޑު ނިއްވާލާފައިވަނީ އަންގާރަ ދުވަހުގެރޭ ދަންވަރު 04:15 ކަންހާއިރު ކަމަށް އެމްއެންޑީއެފުން ބުންޏެވެ.

އެމްއެންޑީއެފްގެ މީޑިއާ އޮފިޝަލަކު ރާއްޖެއެމްވީއަށް މައުލޫމާތުދެމުން ބުނީ މި ހާދިސާގައި އެއްވެސް މީހަކަށް ގެއްލުމެއް ލިބިފައިވާކަމުގެ ޚަބަރެއް ލިބިފައިނުވާކަމަށާއި ނަމަވެސް ފިހާރާގައި ހުރި ބައެއް މުދާތަކަށް ގެއްލުން ލިބިފައިވާ ކަމަށެވެ.

މި ހާދިސާ އަންނަނީ އިތުރަށް ތަހުގީގު ކުރަމުންނެވެ.