ރުޅިއަތުވެއްޖެ! ނޫސްތަކުން ހަދަނީ ދޮގު: ޑިޔޮންގް
ދޮގު ވާހަކަ ދައްކާތީވެ ދިރިއުޅުމަށް ވެސް ދަތިވޭ: ޑިޔޮންގް
ބާސެލޯނާ ކޮޅަށް ގޯލު ޖެހުމަށްފަހު ޔުނައިޓެޑްގެ އެންތަނީ އުފާފާޅު ކުރަނީ: ޔުނައިޓެޑް މޮޅުވީ 2-1އިން
އޭނާއާ ބެހޭ ގޮތުން ނޫސްވެރިން ދައްކަމުންދަނީ ދޮގު ވާހަކަ ކަމަށާއި އެކަމާ މިހާރު ރުޅިއަންނަން ފަށައިފި ކަމަށް ބާސެލޯނާގެ ނެދަލޭންޑްސްގެ މިޑްފީލްޑަރު ފްރޭންކީ ޑިޔޮންގް ބުނެފި އެވެ.
އޭނާ ބުނީ ކުލަބު ބަދަލު ކުރަން އުޅޭ ވާހަކަ އާއި އޭނާގެ މުސާރަ ބޮޑުވުމުން ބާސެލޯނާ އަށް އޮބިނޯވެގެން އުޅޭ ވާހަކަ އަކީ ހަދަހަދައިގެން ދައްކާ ވާހަކަ ކަމަށެވެ.
އޭނާ ބުނީ ބާސެލޯނާގައި ނޫސްވެރިން ދައްކަމުންދާ ހަގީގަތާ ހިލާފު ވާހަކަތަކުގެ ސަބަބުން އޭނާގެ ހިމޭން ދިރިއުޅުމަށް ވެސް އަސަރު ކުރާ ކަމަށާއި ނަމަވެސް އޭނާ މަސައްކަތް ކުރަމުންދަނީ ކުލަބަށް ކާމިޔާބު ހޯދައިދިނުމަށް ކަމަށެވެ. އަދި މިވަގުތު ބާސެލޯނާ ދޫކޮށް އެހެން އެއްވެސް ކުލަބަކަށް ދިއުމުގެ ވިސްނުމެއް ނުގެންގުޅޭ ކަމަށެވެ.
އޭނާ ބުނީ ބާސެލޯނާ އަށް މި ސީޒަނުގައި ކާމިޔާބު ހޯދަން ދަތިވެގެން އުޅޭ ގިނަ ސަބަބުތަކެއް ހުރުން އެކަށީގެންވާ ކަމަށެވެ. އަދި މިކަމުގައި އޭނާ އާއި ކުޅުންތެރިން ވެސް ނަގަންޖެހޭ ޒިންމާތަކެއް އެބަހުރި ކަމަށެވެ.
