ލީގު ހޯދުމަކީ އުނދަގޫ ކަމެއް: ޒަވީ

މި ސީޒަންގެ ސްޕެނިޝް ލީގުގެ ތަށި ހޯދުމަކީ އުނދަގޫ ކަމެއް ކަމަށް، ބާސެލޯނާގެ ކޯޗު ޒަވީ ހެނާންޑޭޒް ބުނެފި އެވެ.

ޒަވީ މިހެން ބުނީ، ލީގުގައި ގްރަނަޑާއާ ދެކޮޅަށް ކުޅުނު މެޗުން ބާސެލޯނާ އެއްވަރުވުމުންނެވެ. އެ މެޗުން އެއްވަރުވުމާއެކު، ބާސެލޯނާ އާއި އެއް ވަނައިގައި އޮތް ރެއާލް މެޑްރިޑާ ދެެމެދު އޮތް ފަރަގު ވަނީ 10 ޕޮއިންޓަށް ބޮޑުވެފަ އެވެ. އެހެންކަމުން، މި ސީޒަންގެ ސްޕެނިޝް ލީގު ކާމިޔާބު ކުރުމަކީ އެ ޓީމަށް އުނދަޫ ކަމަކަށް ވާނެ އެވެ.

އެންމެ ފަހުން ބާސެލޯނާ އަށް މިދިޔަ ސީޒަންގައި ވެސް ސްޕެނިޝް ލީގު ކާމިޔާބު ކޮށްދިން ޒަވީ ބުނީ، ބާސެލޯނާ އަށް ލީގު ދިފާއު ކުރުމަކީ މިހާރު އުނދަގޫ ކަމެއް ކަމަށެވެ. ޚާއްސަކޮށް ގްރަނަޑާ މެޗަށްފަހު، އެކަން އިތުރަށް އުނދަގޫ ވެއްޖެ ކަމުގައި ވެސް ޒަވީ ބުންޏެވެ. އޭނާ ސިފަ ކުރި ގޮތުގައި އެ މެޗަކީ ބާސެލޯނާ އަށް މޮޅުވެވޭނެ މެޗެކެވެ. އެހެން ނަމަވެސް މެޗު އެއްވަރުވެ، ގެއްލުމީ މުހިންމު ދެ ޕޮއިންޓު ކަމަށް ވެސް ޒަވީ ބުންޏެވެ.

މީގެ އިތުރުން ޒަވީ ބުނީ އެއް ވަނައިގައި އޮތް ރެއާލާ ދެމެދު އޮތް ފަރަގު ވެސް ބޮޑުވެއްޖެ ކަމަށާއި، ނަމަވެސް އަދިވެސް ލީގު ކާމިޔާބު ކުރުމަކީ ނުވާނެ ކަމަކަށް ނުވާނެ ކަމަށެވެ. އޭނާ ބުނީ ބާސެލޯނާ އަށް ފެއިލްވެވެން ނެތް ކަމަށާއި، ހިތްވަރާއެކު މަސައްކަތްކޮށްގެން ކުރިއަށް ދާން ޖެހޭ ކަމަށެވެ.

މިހާތަނަށް ލީގުގައި ކުޅުނު 24 މެޗުން 51 ޕޮއިންޓާއެކު ބާސެލޯނާ އޮތީ ތިން ވަނަައިގަ އެވެ. ހަމަ އެ އަދަދަށް މެޗު ކުޅެގެން އެއް ވަނައިގައި ރެއާލަށް 61 ޕޮއިންޓު ލިބޭއިރު، ދެ ވަނައިގައި އޮތް ޖިރޯނާ އަށް ލިބެނީ 56 ޕޮއިންޓެވެ.