ބާންލީ ބަލިކޮށް، ލިވަޕޫލް އެނބުރި އެއްވަނަ އަށް
11 ފެބުރުއަރީ 2024 | އާދީއްތަ 04:25ލިވަޕޫލް އެއްވަނައިގައި އޮތީ މެޗެއް އިތުރަށް ކުޅެގެން
ޑާވިން ނޫނޭޒް ލަނޑު ޖެހުމަށްފަހު އުފާފާޅުކުރަނީ
ބާންލީ ބަލިކޮށް, ލިވަޕޫލް އަލުން އެއްވަނަ އަށް ޖެހިލައިފި އެވެ.
ލިވަޕޫލް އަލުން އެއްވަނަ އަށް ޖެހިލީ, މެންޗެސްޓަރ ސިޓީ މޮޅުވެ ޕޮއިންޓެއްގެ ލީޑަކާއެކު އެއްވަނަ އަށް ޖެހިލާފައި ވަނިކޮށެވެ. ސިޓީއަށް ވުރެ އިތުރަށް މެޗެއް ކުޅެގެން ލިވަޕޫލް އެއްވަނަ އަށް ޖެހިލީ 3-1 ން ބާންލީ ބަލިކޮށްގެންނެވެ. 31 ވަނަ މިނެޓުގައި ލިވަޕޫލަށް ކުރިހޯދައިދިނީ ޖޮޓާ އެވެ. އެކަމަކު ހާފްގެ ފަހު މިނެޓުގައި އޯޝީ ޖެހި ލަނޑުން ހާފް ނިމުނީ 1-1 ން އެއްވަރު ވެގެންނެވެ. ދެވަނަ ހާފް ފަށައިގެން ހަތްވަނަ މިނެޓުގައި އަލުން ލިވަޕޫލަށް ކުރިހޯދައިދިނީ ޑިއާޒް އެވެ. ތިންވަނަ ލަނޑު ޖެހީ ޑާވިން ނޫނޭޒް އެވެ.
މޮޅާއެކު ލިވަޕޫލުން ވަނީ ސިޓީގެ މައްޗަށް ދެ ޕޮއިންޓްގެ ލީޑެއް ހޯދާފައެވެ. ބާންލީ އަކީ ރެލިގޭޝަން ޒޯންގައި އޮތް ޓީމެކެވެ.
