"ބިންވެރިޔާ"ގެ ދަށުން ގޯއްޗާ ހަވާލުވުމަށް އިތުރަށް ފުރުސަތު ދޭނަން - މިނިސްޓްރީ
4 ފެބުރުއަރީ 2024 | އާދީއްތަ 14:53މީގެ ކުރިން މިނިސްޓްރީން ހާމަކުރި މައުލޫމާތުތަކުން، އާދިއްތަ ދުވަހު ގޯއްޗާ ހަވާލުނުވާ މީހުންނަށް ގޯތި ނުލިބިދާނެކަމަށް ބެލެވުނު
ބިންވެރިޔާ ސްކީމް
ބިންވެރިޔާ ސްކީމްގެ ދަށުން ދޫކުރާ ގޯތި ލިބުނު ދާއިމީ ލިސްޓުގައި ހިމެނޭ ފަރާތްތަކަށް ގޯތި ލިބުނުކަމުގެ ލިޔުން ހަވާލުކުރުމަށް އިތުރު ފުރުސަތެއް ދޭން ނިންމާފައިވާކަމަށް، ހައުސިން މިނިސްޓްރީން ބުނެފިއެވެ.
ހައުސިން މިނިސްޓްރީން ނެރުނު ބަޔާނެއްގައި ބުނީ، ބިންވެރިޔާ ސްކީމްގެ ދަށުން 2022 ވަނަ އަހަރު މާލޭ ސަރަހައްދުން ގޯތި ލިބުނު މީހުންނަށް ގޯތީގެ ރަޖިސްޓްރީއާއި ގޯތި ލިބުނުކަމުގެ ލިޔުމާ ހަވާލުކުރުމަށް އިތުރު ފުރުސަތެއް ދީފައިވާކަމަށެވެ. އަދި މިނިސްޓްރީން ދިން މުއްދަތުގައި ހާޒިރުނުވި ފަރާތްތަކަށް ވެސް އިތުރު ފުރުސަތެއް ދޭނެކަމަށް އެ އިއުލާނުގައި ވަނީ ބުނެފައެވެ.
މީގެ ކުރިން މިނިސްޓްރީން ހާމަކުރި މައުލޫމާތުތަކުން، އާދިއްތަ ދުވަހު ގޯއްޗާ ހަވާލުނުވާ މީހުންނަށް ގޯތި ނުލިބިދާނެކަމަށް ބެލެވުނެވެ. ގޯތި ލިބުނު މީހުންނަށް ރަޖިސްޓްރީ ހަވާލުކުރުމާބެހޭ އިތުރު ތަފްސީލެއް މިނިސްޓްރީއަކުން އަދި ނުދެއެވެ.
އެ މިނިސްޓްރީން މިފަދަ އިއުލާނެއް ނެރެފައި މި ވަނީ، ނުހިއްކި ހުރި ސަރަހައްދުތަކުން ގޯތި ލިބޭ މީހުންނަށްވެސް ގޯތި ލިބޭނެކަމުގެ ޔަގީންކަން ދިނުމަށް ސަރުކާރުން ވަގުތީ ލިޔުން ދޫކުރަމުން ދާނެކަމަށް ރައީސުލްޖުމްހޫރިއްޔާ ޑރ މުހައްމަދު މުއިއްޒު ވިދާޅުވެފައި ވަނިކޮށެވެ. ރައީސް ވިދާޅުވީ، ބޯހިޔާވަހިކަމުގެ މައްސަލައަކީ ވަރަށް ގިނަ ރައްޔިތުންނާ ގުޅިފައިވާ މައްސަލައެއް ކަމަށެވެ.
ރައީސް ވަނީ، ގުޅީފަޅާއި ގިރާވަރުފަޅުން ގޯތި ލިބުނު އެންމެންނަށްވެސް ގޯތި ލިބުނުކަމުގެ ލިޔުން ދިނުމުގެ މަސައްކަތް ސަރުކާރުން ބާރަށް ކުރިއަށް ގެންދާނެކަމަށް ވިދާޅުވެފައެވެ. އެގޮތުން ރަޖިސްޓްރީ ހެދުމާއި ރަޖިސްޓްރީ ދޫކުރުމުގެ މަސައްކަތް ކުރިއަށްދާކަން ރައީސް ފާހަގަކުރެއްވިއެވެ.
ނުހިއްކި ހުރި ސަރަޙައްދުތަކުން ގޯތި ލިބޭ މީހުންނަށް ވެސް ގޯތި ލިބޭނެކަމުގެ ޔަގީންކަން ދިނުމަށް ސަރުކާރުން ވަގުތީ ލިޔުން ދޫކުރަމުން ދާނެކަމަށްވެސް ރައީސް ވިދާޅުވިއެވެ.
