މެޗުގެ ފަހުވަގުތު ޓޮޓްނަމް ބަލިކޮށް, އިނގިރޭސި އެފްއޭކަޕްގެ ފަސްވަނަ ބުރުން މެންޗެސްޓަރ ސިޓީ ޖާގަ ހޯދައިފިއެވެ.
ސިޓީން އެފްއޭކަޕްގެ ފަސްވަނަ ބުރަށް ދަތުރުކުރީ ޑިފެންޑަރ ނަތަން އަކޭ 88 ވަނަ މިނިޓްގައި ޖެހި ހަމައެކަނި ލަނޑުން މޮޅުވެގެންނެވެ. ލަނޑެއް ނުޖެހި އެއްވަރުވާން ދިޔަ މެޗުގެ ފަހު ދެ މިނިޓްގެ ތެރޭގައި އަކޭ ލަނޑު ޖެހީ ކެވިން ޑެބުރޭނާ ނަގައިދިން ކޯނަރެއްގައެވެ. މިދީ ޓޮޓްނަމްގެ ދަނޑުގައި ސިޓީން އެންމެ ފަހުން ކުޅުނު ހަ މެޗުން މޮޅެއް ހޯދުނު ފުރަތަމަ މެޗެވެ. ސިޓީގެ 9000 ސަޕޯޓަރުންގެ ކުރިމަތީގައި ކުޅުނު މެޗުގައި ލަނޑުޖަހަން ސިޓީ ތަނަވަސްކުރި ފުރުޞަތުތަކެއް ބޭނުން ނުކުރެވުނެވެ. ލަންޑަންގެ ޓްރެފިކް ބޮޑުވުމުގެ ސަބަބނުން ސިޓީއަށް މެޗު ކުޅޭ ސްޓޭޑިއަމްއަށް ދެވުނީ މެޗު ފެށުމުގެ 70 މިނިޓް ކުރިންނެވެ.
އެފްއޭކަޕް ހަތަރު ވަނަ ބުރުގައި ޗެލްސީއާ އެސްޓަން ވިލާ ވާދަކުރި މެޗު ލަނޑެއް ނުޖެހި އެއްވަރުވެ, އަލުން މެޗެއް ކުޅެން ވަނީ ޖެހިފައެވެ.
