މޮރޮކޯގެ ކޯޗު ދެ މެޗަށް ސަސްޕެންޑުކޮށްފި
25 ޖެނުއަރީ 2024 | ބުރާސްފަތި 09:13މި ސަސްޕެންޝަނުގެ ސަބަބުން އަންގާރަ ދުވަހު ދެކުނު އެފްރިކާއާ ދެކޮޅަށް ބެންޗުގައި ނީދެވޭނެ
މޮރޮކޯގެ ކޯޗު ވަލީދު ރެގްރާގީ
އެފްރިކަން ކަޕް އޮފް ނޭޝަންސްގައި ކުޅެމުންދާ މޮރޮކޯގެ ކޯޗު ވަލީދު ރެގްރާގީ ދެ މެޗަށް ސަސްޕެންޑްކޮށްފި އެވެ.
އެންމެ ފަހުގެ ވޯލްޑްކަޕުގެ ސެމީ ފައިނަލަށް މޮރޮކޯ ގެންގޮސްދިން ކޯޗު ސަސްޕެންޑްކުރީ ކޮންގޯ މެޗަށް ފަހު އެ ގައުމުގެ ކެޕްޓަންގެ ގަޔަށް ކުޅު ޖެހުމާ ގުޅިގެންނެވެ. މި ސަސްޕެންޝަނުގެ ސަބަބުން ދެ ވަނަ ބުރުގައި އަންނަ އަންގާރަ ދުވަހު ދެކުނު އެފްރިކާއާ ދެކޮޅަށް ކުޅޭ މެޗުގައި އޭނާ އަށް ބެންޗުގައި ނީދެވޭނެ އެވެ.
މޮރޮކޯގެ ފުޓްބޯޅަ ފެޑަރޭޝަނުން ބުނީ އެ ގައުމުން މި މައްސަލަ އިސްތިއުނާފު ކުރާނެ ކަމަށެވެ. ނަމަވެސް އޭގެ ތަފްސީލެއް ނުލިބެ އެވެ.
ރިޕޯޓްތައް ބުނާ ގޮތުން ރެގްރީ ފުރަތަމަ ދިޔައީ މެޗަށް ފަހު ކެޕްޓަނާ ސަލާމް ކުރުމަށެވެ. އެކަމަކު ދެ މީހުންގެ މެދުގައި އަރައިރު އުފެދި ރެގްރީގީ ކުޅުޖެހި ކަމަށްވެ އެވެ.
މި މެޗަށް ފަހު ދެ ޓީމުގެ އޮފިޝަލުންނާއި ކުޅުންތެރިން ވަނީ ޓަނަލް އަށް ވަނުމަށްފަހު އެއްބަޔަކު އަނެއް ބަޔަކާ އަރައިރުންވެ، މާރާމާރީ ހިންގައިފަ އެވެ. ނަމަވެސް މިމަންޒަރު އާއްމުންނާއި ކެމެރާތަކަށް ފެނިފައިނުވާތީވެ، ތަފްސީލެއް ނުލިބެ އެވެ.
އެފްރިކާ ކަޕުގެ ގްރޫޕް ސެޓޭޖް ފަހަނައަޅައި ދެ ވަނަ ބުރަށް ގްރޫޕް އެފްއިން ދަތުރުކުރީ ވެސް މޮރޮކޯ އާއި ކޮންގޯ އެވެ. މިދެ ޓީމު ކުޅުނު މެޗު 1-1އިން އެއްވަރުވިއިރު ގްރޫޕުގެ އެއްވަނަ މޮރޮކޯ އަށް ލިބުނީ ހަތް ޕޮއިންޓާއެކުގަ އެވެ. ކޮންގޯ އަށް ދެ ވަނަ ލިބުނީ ހަތަރު ޕޮއިންޓާއެކުގަ އެވެ.
