އަންނަ ހަފްތާގެ ބުރާސްފަތި ދުވަހު ފިޔާޒަށް ހުކުމް ކުރުމަށް ނިންމައިފި
31 ޖުލައި 2017 | ހޯމަ 07:18ފިޔާޒްގެ މައްޗަށް ކުރަނީ އަތްލުމުގެ ދައުވާ
ފިޔާޒް ކްރިމިނަލް ކޯޓަށް ވަންނަނީ
ރާއްޖެޓީވީގެ ސީއޯއޯ ހުސައިން ފިޔާޒް މޫސާ އަށް އަންނަ ބުރާސްފަތި ދުވަހު ހުކުމް ކުރުމަށް ނިންމައިފި އެވެ.
މިގޮތަށް ނިންމާފައިވަނީ ހޯމަ ދުވަހު 11:00 ގައި ކްރިމިނަލް ކޯޓުގައި އޮތް ޝަރީއަތުގެ އަޑުއެހުމުގަ އެެވެ. ފިޔާޒްގެ މައްޗަށް ކުރަނީ އަތްލުމުގެ ދައުވާ އެވެ. މިއަދުގެ ޝަރީއަތުގައި ވަނީހުލާސާ ބަޔާން އިއްވާފަ އެވެ
އަތްލުމުގެ ދައުވާ ފިޔާޒްގެ މައްޗަށް އުފުލާފައިވަނީ މުލިއާގެ ކައިރިން ފެނުނު ބޮމެއް، މާފަންނު ސްޓޭޑިއަމް ސަރަހައްދުގައި ނައްތާލުމަށް ސަލާމަތީ ބާރުތަކުން ހަރަކާތްތެރިވަމުންދަނިކޮށް، އެ ސަރަހައްދުން ފިޔާޒު ނުގޮސް، ފުލުހެއްގެ މޭ މަތީގައި ޖަހާފައިވާ ކަމަށް ބުނެއެވެ. އެ މައްސަލައިގައި ފިޔާޒުގެ މައްޗަށް ފުރަތަމަ ކުރީ ޖެހުމުގެ ކުށުގެ ދައުވާ އެވެ. ނަމަވެސް ފަހުން އެ ދައުވާ އަނބުރާ ގެންދިއުމަށް ފަހު، އަތްލުމުގެ ކުށުގެ ދައުވާ ވަނީ ކޮށްފަ އެވެ.
އަތްލުމުގެ ކުށަކީ ޖުނަހުގެ ތިން ވަނަ ދަރަޖައިގެ ކުށެކެވެ. އެ ކުށުގެ އަސާސީ އަދަބަކީ އެއް މަހާއި ހަ ދުވަހުގެ ޖަލު ހުކުމެކެވެ.
ފިޔާޒުގެ ޝަރީއަތުގެ މައްސަލަ ނުނިމި ލަސްވާތީ ފިޔާޒު ވަނީ ކަންބޮޑުވުން ފާޅުކުރައްވާފަ އެވެ.
