މަކަރާއި ހީލަތުގެ މައްސަލައެއްގެ ތަހުގީގަށް ދެމީހަކު ހޯދަނީ
އެމީހުން ހޯދަމުންދަނީ މައްސަލައިގެ ތަހުގީގަށް، ސުވާލުކުރުމަށް
މަކަރާއި ހީލަތުގެ މައްސަލައެއްގެ ތަހުގީގަށް ދެމީހަކު ހޯދުން
ފުލުހުން ތަހުގީގު ކުރަމުންދާ މަކަރާ ހީލަތުގެ މައްސަލައެއްގެ ތަހުގީގަށް ދެމީހަކު ހޯދުމަށް އިއުލާނުކޮށްފިއެވެ.
ދިވެހި ފުލުހުންގެ ޚިދުމަތުން ބުނީ، މިއީ ހުޅުމާލެ ފޭސް ދޭއް ޕޮލިސްގެ އިންވެސްޓިގޭޝަނުން ތަހުގީގުކުރަމުންދާ މަކަރާއި ހީލަތުގެ މައްސަލައެއް ކަމަށެވެ.
ފުލުހުން ވަނީ ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އެމީހުންނަށް އަންގާފައެވެ.
މި މައްސަލައިގައި ހޯދަމުންދަނީ ޅ. ނައިފަރު / ސައިމާގެ، މަރިޔަމް ސަޢީދާ (31އ) އަދި މ. މުލި / ނައިޓްރޯސް، އިސްމާޢީލް ޙަމީދު (37އ) އެވެ. އެއީ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާ ދެމީހުންނެވެ.
އެމީހުން ހޯދަމުންދަނީ މައްސަލައިގެ ތަހުގީގަށް، ސުވާލުކުރުމަށެވެ. އެގޮތުން ހުޅުމާލެ ފޭސް ދޭއް ޕޮލިސް ސްޓޭޝަނަށް 2024 ޖަނަވަރީ 27 ވަނަ ދުވަހުގެ 10:00އަށް ހާޒިރުވުމަށް ވަނީ އަންގާފައެވެ.
