ބާންލީ ބަލިކޮށް، ޓޮޓްނަމް އިނގިރޭސި އެފްއޭކަޕުގެ ހަތަރުވަނަ ބުރަށް!

ބާންލީ ބަލިކޮށް, އިނގިރޭސި އެފްއޭކަޕްގެ ހަތަރުވަނަ ބުރުން ޓޮޓްނަމް ޖާގަ ހޯދައިފިއެވެ.

ތިންވަނަ ބުރުގައި ޓޮޓްނަމުން ބާންލީގެ މައްޗަށް ކުރިހޯދީ 1-0ންނެވެ. ލަނޑު ޖަހާނެ ގިނަ ފުރުސަތުތަކެއް ތަނަވަސްކުރި ނަމަވެސް ޓޮޓްނަމަށް ކާމިޔާބުވީ، 78 ވަނަ މިނިޓްގައި ޕެޑްރޯ ޕޯރޯ ފޮނުވާލި ބޯޅައެވެ. މެޗަށް ޓޮޓްނަމް ނިކުތީ ކެޕްޓަން ސޮންއާ ނުލައެވެ. ސޮން ހުރީ ގައުމީ ޓީމާއެކުއެވެ. ބާންލީގެ ކޯޗު ކޮމްޕެނީ މެޗަށް ނެރުނީ ފަސް ބަދަލަކާއެކުއެވެ. މެޗުގައި ލަނޑު ޖަހަން ޓޮޓްނަމުން ގިނަ ފުރުސަތުތަކެއް ތަނަވަސްކުރިއެވެ. ރިޗާލިސަންއަށް ލިބުނު ދެ ފުރުސަތުގެ ވެސް ބޭނުމެއް ނުކުރެވުނެވެ.

އެފްއޭކަޕުގެ ހަތަރުވަނަ ބުރުގައި ވާދަކުރަންޖެހޭ ޓީމްތައް ކަނޑައެޅުމަށް ގުރުނަގާނީ މިމަހުގެ 8 ވަނަ ދުވަހުއެވެ.