ބޮލަށް ވަޅިޖަހައިގެން ފަރުވާދެމުން ދިޔަ ޒުވާނާ މަރުވެއްޖެ!
29 ޖުލައި 2017 | ހޮނިހިރު 13:02ފުލުހުން ވަނީ އޭނާ މަރުވެއްޖެކަން ކަށަވަރުކޮށްދީފަ
ޒުވާނާ މަރުވެއްޖެކަމަށް ފުލުހުން ބުނީ މިއަދު
މިމަހުގެ 27 ވަނަ ދުވަހުގެ ރޭ އިރާކޮޅު ކެފޭއެއްގެ ތެރޭގައި ބޮލަށް ވަޅި ޖަހައި ޒަހަމުކޮށްލި ޒުވާނާ މަރުވެއްޖެއެވެ.
ފުލުހުން ވަނީ އޭނާ މަރުވެއްޖެކަން ކަށަވަރުކޮށްދީފައެވެ.
ހއ ތަކަންދޫއަށް އުފަން 24 އަހަރުގެ ނަދީމް އަބްދުއްރަހީމް ގެ ބޮލަށް ވަޅިން ހަމަލާދީ ޒަޚަމްކޮށްލާފައިވަނީ، މިދިޔަ ބުރާސްފަތި ދުވަހުގެރޭ އިރާކޮޅު 6:30 އެހާކަށްހާއިރު ލޮނުޒިޔާރަތް މަގުގައި ހުންނަ ކެފޭއެއްގެ ތެރޭގައި އިންދައެވެ.
މި މައްސަލާގައި އަދި މިހާތަނަށް މީހަކު ހައްޔަރުކޮށްފައެއް ނުވެއެވެ. ނަމަވެސް މި މައްސަލަ ފުލުހުން ދަނީ ތަހުގީގުކުރަމުންނެވެ.
ފަހަކަށް އައިސް މާލޭގައި ވަނީ ސިލްސިލާ މާރާމާރީތައް އިތުރުވެފަ އެވެ. އެގޮތުން މިދިޔަ އަންގާރަ ދުވަހު ވެސް ވަނީ މާލޭގެ ދެ ސަރަހައްދެއްގައި މާރާމާރީ ހިންގައި ތިން މީހަކު ޒަހަމްކޮށްލާފަ އެވެ.
