ޝަރުއީ ދާއިރާއަށް ޒުވާނުން ނެރުމަށް ކުރިއަށްގެންދިޔަ ޕްރޮގްރާމް ނިންމާލައިފި
ޕްރޮގްރާމުގައި ޝަރުއީ ދާއިރާ އަށް ހޭލުންތެރިކުރުވުމާއި ޒުވާނުންނާ ގުޅުން ހުރި ތަފާތު މައްސަލަތަކަށް އަލިއަޅުވާލާފައިވޭ
ޖުޑިޝަރީ ފޯ ޖޫނިއާސް ޕްރޮގްރާމުގެ ބައިވެރިން
ޝަރުއީ ދާއިރާއަށް ޒުވާނުންގެ ޝައުގުވެރިކަން އިތުރުކޮށް އެ ދާއިރާއަށް ނުކުންނަ ޒުވާނުންގެ އަދަދު އިތުރުކުރުމަށް ކުރިއަށްގެންދިޔަ "ޖުޑީޝަރީ ފޯރ ޖޫނިއާސް" ޕްރޮގްރާމް ނިންމާލައިފިއެވެ.
ބުރާސްފަތި ދުވަހު ސުޕްރީމްކޯޓުގައި އޮތް ކާއްސަ ރަސްމިއްޔާތުގައި ޕްރޮގްރާމު ބައިވެރިންނަށް ވަނީ ސެޓްފިކެޓް ހަވާލުކޮށްފައެވެ. ޕްރޮގްރާމުގެ ބައިވެރިންނަށް ސެޓްފިކެޓްތައް ހަވާލުކޮށްދެއްވީ އުއްތަމަ ފަނޑިޔާރު އަހުމަދު މުއުތަސިމް އަދުނާނެވެ.
މިއީ ޖުޑިޝަލް ސާވިސް ކޮމިޝަން (ޖޭއެސްސީ) އާއި ޔޫއެންޑީޕީ ގުޅިގެން ހިންގާ ޕްރޮމްރާމެކެވެ. ޕްރޮގްރާމް ހާއްސަކޮށްފައި ވަނީ އުމުރުން 15-20 އަހަރާ ދެމެދުގެ ޒުވާނުންނަށެވެ.
ޖުޑިޝަރީ ފޯ ޖޫނިއާސް ޕްރޮގްރާމު ކުރިއަށް ގެންގޮސްފައިވަނީ ޑިސެމްބަރު 14ން 21ށެވެ. މި ޕްރޮގްރާމުގައި ޒުވާނުން ޖުޑީޝަލް ދާއިރާއަށް ޝައުގުވެރިވާ މިންވަރު އިތުރުކޮށް، އެ ދާއިރާގެ ތެރެއަށް ވެއްދުމަށްޓަކައި މަސައްކަތްތަކެއް ކޮށްފައިވެއެވެ.
