ވިކްޓްރީއާއި ނިއުރޭޑިއަންޓް ދެ ގްރޫޕަކަށް!

މިމަހުގެ 26 ވަނަ ދުވަހު ފަށާ ދެވަނަ ޑިވިޝަން ފުޓްބޯޅަ މުބާރާތުގައި، ކުރީގެ ގަދަ ދެ ބާރު ކަމަށްވާ ނިއުރޭޑިއަންޓާއި ވިކްޓްރީ ދެ ގްރޫޕެއްގައި ލައްވާލައިފިއެވެ.

މުބާރާތުގައި ބައިވެރިވި 15 ޓީމް ބަހާލީ ތިން ގްރޫޕަކަށެވެ. ކޮންމެ ގްރޫޕަކުންވެސް އެއްވަނަ އަދި ދެވަނަ ޓީމަށް ކުއާޓަރ ފައިނަލްގެ ޖާގަ ލިބޭނެއެވެ. ކުއާޓަރ ފައިނަލްގެ ފަހު ދެ ޖާގަ ލިބޭނީ، ތިން ގްރޫޕް އެއްކޮށް އެންމެ ރަނގަޅު ނަތީޖާ ހޯދާ ތިންވަނަ ޓީމާއި, ހަތަރުވަނަ ޓީމަށެވެ. ފައިނަލަށް ދާނީ ސެމީފައިނަލް ދެމަޗަށްފަހު ކުރި ހޯދާ ދެޓީމެވެ. ފައިނަލަށް ދާ ދެ ޓީމުވެސް ފުރަތަމަ ޑިވިޝަނަށް ޕްރޮމޯޓްވާނެކަމަށް، އެފްއޭއެމްގެ އެކްޓިންގ ޖެނެރަލް ސެކްރެޓަރީ ޖައުޝަން ޝަރީފް ވިދާޅުވިއެވެ.

މިހާރު އޮތް ގޮތުން މުބާރާތް ދޮޅު މަހަށްވުރެ ގިނަ ދުވަހަށް ކުރިއަށް ދާނެއެވެ. ޝެޑިއުލްކޮށްފައި އޮތީ މިމަހުގެ 26ން ފެބްރުއަރީ 15އަށެވެ. ނަމަވެސް މުބާރަތުގައި ވާދަކުރާ ކްލަބަކުން ބުނީ، ގަލޮޅުދަނޑުގެ ލައިޓިންގ މައްސަލަ ހައްލުކޮށް, ދެއިރު މުބާރާތް ކުޅެ، އަވަހަށް ނިންމާލަން ކުޅިވަރާބެހޭ މިނިސްޓްރީން މަސައްކަތް ކުރާކަމަށެވެ.

ގުރުއަތުން ޓީމްތައް ބެހިފައިވާ ގޮތް:

ގްރޫޕް އޭ:

މަސްއޮޑި ސްޕޯރޓްސް ކްލަބް

މަހިބަދޫ ސްޕޯރޓްސް ކްލަބް

ޖޭޖޭ ސްޕޯރޓްސް ކްލަބް

ކުޑަހެންވެއިރު ސްޕޯރޓްސް ކްލަބް

އެލްޓީ ސްޕޯރޓްސް ކްލަބް

ގްރޫޕް ބީ:

ބީޖީ ސްޕޯރޓްސް ކްލަބް

ޓެންޓް ސްޕޯރޓްސް ކްލަބް

ދަ ގްރާންޑޭ

ނިއުރޭޑިއަންޓް ސްޕޯރޓްސް ކްލަބް

ކްލަބް ޓީނޭޖް

ގްރޫޕް ސީ:

ކްލަބް ޕީކޭ

ވިކްޓްރީ ސްޕޯރޓްސް ކްލަބް

ލޮރެންޒޯ ސްޕޯރޓްސް ކްލަބް

ބިސް ބުރު ސްޕޯރޓްސް ކްލަބް

ލެގޫންސް ސްޕޯރޓްސް ކްލަބް