ކ. މާލެ
|
17 ޑިސެންބަރ 2023 | އާދީއްތަ 11:17
މެޗުގައި ލަނޑު ޖެހުމަށްފަހު ބިލްބާއޯގެ ކުޅުންތެރިން އުފާ ފާޅުކުރަނީ
މެޗުގައި ލަނޑު ޖެހުމަށްފަހު ބިލްބާއޯގެ ކުޅުންތެރިން އުފާ ފާޅުކުރަނީ
ރޮއިޓާސް
ސްޕެނިޝް ލީގު
އެތުލެޓިކް ބިލްބާއޯ އަތުން އެތުލެޓިކޯ މެޑްރިޑު ބަލިވެއްޖެ
 
މެޗުން ބަލިވެ އެތުލެޓިކޯ އޮތީ ތާވަލްގެ ހަތަރު ވަނައިގައި

ސްޕެނިޝް ލީގުގައި އެތުލެޓިކް ބިލްބާއޯއާ ދެކޮޅަށް ކުޅުނު މެޗުން އެތުލެޓިކޯ މެޑްރިޑު ބަލިވެއްޖެއެވެ.

ލީގުގައި ހޮނިހިރު ދުވަހުގެ ރޭ ބިލްބާއޯގެ ދަނޑުގައި ކުޅުނު މެޗުގައި އެ ޓީމުން އެތުލެޓިކޯ މެޑްރިޑުގެ މައްޗަށް ކުރި ހޯދީ 2-0 އިންނެވެ. އެ މެޗުން މޮޅުވެ ލީގު ތާވަލްގެ ތިން ވަނަ އަށް ޖެހިލުމުގެ ފުރުސަތު ވެސް އެތުލެޓިކޯ މެޑްރިޑަށް އޮތެވެ.

މެޗުގައި ލަނޑު ޖަހަން އެންމެ ފުރަތަމަ ފުރުސަތު ލިބުނީ ވެސް ބިލްބާއޯ އަށެވެ. މެޗުގެ 36 ވަނަ މިނެޓުގައި އެ ޓީމަށް ލިބުނު ޕެނަލްޓީއެއްގައި، އޮއިހާން ސެންސެޓް ފޮނުވާލި ބޯޅަ ކާމިޔާބުވާ ގޮތެއް ނުވިއެވެ. އެ ޓީމުން މެޗުގައި ލަނޑު ޖަހައި ލީޑު ނެގީ ދެ ވަނަ ހާފުގައެވެ. ދެ ވަނަ ހާފު ފަށައިގެން ހަ ވަނަ މިނެޓުގައި އެ ޓީމަށް ލީޑު ނަގައިދިނީ ގޯކާ ގުރުޒެޓާއެވެ. އޭނާ އެ ލަނޑު ޖެހީ އެންޑާ ހެރޭރާ ތަނަވަސްކޮށްދިން ފުރުސަތެއްގައެވެ. އޭގެ ފަހުން މެޗުގެ 64 ވަނަ މިނެޓުގައި އެ ޓީމުގެ ދެ ވަނަ ލަނޑު ޖެހީ ނިކޯ ވިލިއަމްސްއެވެ. އޭނާ ލަނޑު ޖަހަން ފުރުސަތު ތަނަވަސްކޮށްދިނީ އިނީގޯ ލެކިއޫއެވެ.

މެޗުން ބަލިވެ އެތުލެޓިކޯ އޮތީ ތާވަލްގެ ހަތަރު ވަނައިގައެވެ. އެއީ މިހާތަނަށް ލީގުގައި ކުޅުނު 16 މެޗުން 34 ޕޮއިންޓު ހޯދައިގެންނެވެ. އެތުލެޓިކޯގެ މައްޗަށް ކުރި ހޯދި ބިލްބާއޯ އޮތީ އެ ޓީމުގެ ފަހަތުން ފަސް ވަނައިގައެވެ. އެއީ 32 ޕޮއިންޓާއެކުއެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް