އެމްޑީޕީ ޕާލިމަންޓަރީ ގްރޫޕުގެ ލީޑަރު ކަމުގެ އިންތިޚާބަށް ހުޅުވާލައިފި
އިންތިޚާބު އޮންނާނީ އިންތިޚާބު 23 ނޮވެމްބަރު 2023 ވާ ބުރާސްފަތި ދުވަހު
އެމްޑީޕީ ޕީޖީ ގްރޫޕުން މީގެ ކުރިން ބޭއްވި ނޫސްވެރިންގެ ބައްދަލުވުމެއްގެ ތެރެއިން
މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ޕާލިމަންޓަރީ ގްރޫޕުގެ ލީޑަރު ކަމުގެ އިންތިޚާބަށް ހުޅުވާލައިފިއެވެ.
އެމްޑީޕީން ބުނީ، އެ ޕާޓީގެ ހުސްވެފައިވާ ޕާލިމަންޓަރީ ގްރޫޕުގެ ލީޑަރު ހޮވުމަށް ބާއްވާ އިންތިޚާބު 23 ނޮވެމްބަރު 2023 ވާ ބުރާސްފަތި ދުވަހު ބޭއްވުމަށް ހަމަޖެހިފައިވާކަމަށެވެ.
ވީމާ އިންތިޚާބަށް ކުރިމަތިލުމުގެ ފުރުޞަތު ބުރާސްފަތި ދުވަހުން ފެށިގެން 18 ނޮވެމްބަރ 2023 ވާ ހޮނިހިރު ދުވަހުގެ 18:00 ނިޔަލަށް ހުޅުވާލެވިފައިވާކަމަށް އެ ޕާޓީން ބުނެއެވެ.
މި އިންތިޚާބުގައި ބައިވެރިވާން ބޭނުންވާ ޕާޓީގެ ޕާލަމަންޓަރީ ގްރޫޕުގެ މެންބަރުން އެކަމަށްޓަކައި ކަނޑައެޅިފައިވާގޫގުލް ފޯމްފުރިހަމަކުރުމަށް އެމްޑީޕީން ވަނީ އެދިފައެވެ.
