ޔަހޫދީ އިޒްރޭލުން ފަލަސްތީނުގައި ހިންގަމުންދާ ލާއިންސާނީ އަނިޔާތަކާއި، ހަނގުރާމައިގައި ހާލުގައި ޖެހިފައިވާ ޣައްޒާގެ ރައްޔިތުންނަށް އެހީ ވެއްދުމުގެ ހުއްދަ އިންޓަނޭޝަނަލް އެއިޑް ކެމްޕެއިން (އައިއޭސީ) އަށް ދީފިއެވެ.
އައިއޭސީ ގެ ޑިރެކްޓާ އޮފް މީޑިއާ އެންޑު ޕަބްލިކް ރިލޭޝަންސް، އަޒްހަދު އަހުމަދު ވިދާޅުވި ގޮތުގައި، ހަނގުރާމައިގައި ހާލުގައި ޖެހިފައިވާ ޣައްޒާގެ ރައްޔިތުންނަށް އެހީ ފޯރުކޮށްދިނުމަށް ބޭނުންވާ ސާމާނު ޣައްޒާއަށް ވެެއްދުމުގެ ހުއްދަ އައިއޭސީ އަށް ވަނީ ދީފައެވެ.
އެގޮތުން، އަޒްހަދު ވިދާޅުވީ، ޣައްޒާއަށް އެހީ ފޯރުކޮށްދިނުމަށް ބޭނުންވާ ސާމާނު ޖަމާކޮށް، ތައްޔާރުކުރުމުގެ މަސައްކަތްތައް މިޞްރުގެ ގާހިރާ ގައި ކުރިއަށްދާކަމަށެވެ. އަދި ވަރަށް އަވަަހަށް ތަކެތި ޣައްޒާއަށް ވެއްދޭނެކަމަށްވެސް އަޒްހަދު ވަނީ ފާހަގަކުރައްވާފައެވެ.
ޣައްޒާއަށް އެހީ ފޯރުކޮށްދިނުމަށް ބޭނުންވާ ސާމާނު ޣައްޒާއަށް ވެެއްދުމުގެ ހުއްދަ މުޅި އޭޝިއާއިން ވެސް ދީފައިވަނީ ހަމައެކަނި އައިއޭސީ އަށެވެ.
ފަލަސްތީނަށް އެހީވުމުގެ ގޮތުން ރާއްޖޭގެ އެކި ރަށްރަށުގައި ދަނީ ފަންޑްރެއިސިން ހަރަކާތްތައް ހިންގަމުންނެވެ. އަދި ދިވެހިން ފަލަސްތީނާއެކު ތިބިކަން ހާމަކުރުމުގެ ގޮތުން ހިނގާލުމާއި އެއްވުންތައްވެސް ދަނީ ބާއްވަމުންނެވެ.
