ރާއްޖެއަކީ އިންޑިޔާއަށް ޚާއްސަ ގައުމެއް: މޯދީ

އިންޑިއާގެ "ނެއިބަރހުޑް ފަސްޓް" ސިޔާސަތުގައި ރާއްޖެ އަކީ ހާއްސަ ޖާގައެއް ދެވިފައިވާ ގައުމެއް ކަމަށް އިންޑިޔާގެ ބޮޑުވަޒީރު ނަރެންދުރަ މޯދީ ވިދާޅުވެއްޖެ އެވެ.

ޖުމްހޫރީ ދުވަހުގެ ތަހުނިޔާ ފޮނުއްވަމުން ނެރުނު ބަޔާނެއްގަިއ މޯދީ ވިދާޅުވީ ރާއްޖެއަކީ ސަރަހައްދުގެ އެންމެންނަށް ސަލާމަތާއި ކުރިއެރުމުގެ ތަސައްވުރު ފަހިކޮށްދިނުމުގައި އިންޑިޔާގެ ދައުރު އަދާކުރުމުގައި އެހީވާ ގައުމެއް ކަމަށެވެ.

އެގޮތުން ރާއްޖެ އާއި އިންޑިޔާގެ ދެމެދުގައި އުފެދިފައި އޮތް ގާތް ގުޅުމަކީ ތާރީޚާއި ސަގާފަތުގެ މައްޗަށް ބިނާވެފައި އޮތް ޙާއްސަ ގުޅުމެއް ކަމަށް ވެސް އޭނާ ވިދާޅުވި އެވެ.

މޯދީ ވަނީ އިގްތިސާދީ ކުރިއެރުމަށްޓަކައި ރާއްޖެއާ ގުޅިގެން އިންޑިޔާ އިން މަސައްކަތް ކުރާނެ ކަމުގެ ޔަގީންކަން ވެސް ދީފަ އެވެ.