އެއް ދުވަހުގެ ކްރިކެޓް މެޗުތަކުގައި އެންމެ ގިނަ ސައްތަހެދި ކުޅުންތެރިޔާ އިންޑިޔާގެ ސަޗިން ޓެންޑުލްކަރުގެ ރެކޯޑާ އެ ގައުމުގެ ވިރާތު ކޯލީ ހަމަހަމަކޮށްފި އެވެ.

އިންޑިޔާގައި މިހާރު ކުރިއަށްދާ ކްރިކެޓް ވޯލްޑްކަޕުގައި އޭނާ މި ރެކޯޑާ ހަމަހަމަކުރީ ދެކުނު އެފެރިކާއާ ދެކޮޅަށް ކުޅުނު މެޗުގަ އެވެ. މި މެޗުގައި ވިރާތު ހެދި ސައްތައަކީ އޭނާގެ ވެސް 49 ވަނަ ސައްތައެވެ. މިހާތަނަށް ކެރިއަރުގައި އޭނާ ވަނީ 79 ފަހަރު ސައްތަ ހަމަކޮށްފަ އެވެ. އެއީ ޓުވެންޓީ20ގައި 1 ފަހަރު އަދި ޓެސްޓް ކްރިކެޓްގައި 29 ފަހަރު ހެދި ސައްތަ ހިމަނައިގެންނެވެ.

އުމުރުން 35 އަހަރު ފުރުނު އުފަންދުވަހު އޭނާ ހެދި ސައްތައާއެކު ކޯލީ މިހާރުވެފައިވަނީ ވޯލްޑްކަޕުގައި ތިން ވަނަ އަށް އެންމެ ގިނަ ލަނޑު ހެދި ކުޅުންތެރިޔާ އަށެވެ. އޭނާ އަށްވުރެ ކުރީގައިވަނީ ޓެންޑުލްކަރު އާއި އޮސްޓްރޭލިޔާގެ ރިކީ ޕޮންޓިން އެވެ. ކޯލީ ވަނީ އޭނާގެ ކެރިއަރުގައި މިހާތަނަށް 6000 ލަނޑު ހަދައިފަ އެވެ.