މަންދު ކޮލެޖުގެ ނޮވެމްބަރ/ޑިސެމްބަރ އިންޓޭކްގެ ކޯސްތަކަށް ކުރިމަތިލުމުގެ ފުރުސަތު ހުޅުވާލައިފި
މި އިންޓޭކްގައި ޖުމްލަ 43 ކޯހަކަށް ކުރިމަތިލުމުގެ ފުރުސަތު ހުޅުވާލާފައިވޭ
މަންދު ކޮލެޖް
މަންދު ކޮލެޖުގެ ނޮވެމްބަރ/ޑިސެމްބަރ އިންޓޭކްގެ ކޯސްތަކަށް ކުރިމަތިލުމުގެ ފުރުސަތު ހުޅުވާލައިފިއެވެ.
ރާއްޖޭގެ އެކި ސަރަހައްދުތަކުގައި ތިބެގެން މަތީ ތައުލީމަށް ކިޔެވުމުގެ ފުރުސަތުތަކާއެކު، މަންދު ކޮލެޖުގެ ނޮވެމްބަރ/ޑިސެމްބަރ އިންޓޭކްގެ ކޯސްތަކަށް ކުރިމަތިލުމުގެ ފުރުސަތު އެ ކޮލެޖުން ހުޅުވާލައިފިއެވެ.
މި އިންޓޭކްގައި ޖުމްލަ 43 ކޯހަކަށް ކުރިމަތިލުމުގެ ފުރުސަތު ހުޅުވާލާފައިވާކަމަށް މަންދު ކޮލެޖުން ވަނީ ބުނެފައެވެ.
މަންދު ކޮލެޖަކީ ވާޗުއަލްކޮށް ހުރިހާ ކޯސްތަކެއް ކުރިއަށްގެންދާ ކޮލެޖެއްކަން ފާހަގަކޮށް، އެ ކޮލެޖުން ބުނީ ކޮލެޖުގައި ކިޔަވަން ބޭނުންވާ ދަރިވަރުން މާލެ އަށް ދިރިއުޅުން ބަދަލުކޮށް، ކްލާސްތަކަށް ހާޒިރުވާން ނުޖެހެނޭކަމަށެވެ. އަދި ރާއްޖޭގެ ކޮންމެ ސަރަހައްދެއްގައި ހުރި ދަރިވަރަކަށްވެސް މަންދު ކޮލެޖުގެ ކޯސްތަކުގައި ބައިވެރިވެ، މަތީ ތައުލީމް ހާސިލްކުރުމުގެ ފުރުސަތު އޮންނާނެ ކަމަށް މަންދު ކޮލެޖުން ވަނީ ބުނެފައެވެ.
މަންދު ކޮލެޖުން ބުނި ގޮތުގައި އެ ކޮލެޖުގައި ކުރިއަށްގެންދާ ހުރިހާ ކޯސްތަކަކީވެސް މޯލްޑިވްސް ކޮލިފިކޭޝަންސް އެތޯރިޓީ (އެމްކިޔުއޭ) އިން އެޕްރޫވް ކޮށްފައިވާ ކޯސްތަކެއްކަމަށެވެ.
އެ ކޮލެޖުން މި އިންޓޭކްގައި ކުރިއަށްގެންދާ ކޯސްތަކުގެ ތެރޭގައި ޓީޗިންގގެ ގިނަ ކޯސްތަކަކާއި، ބިޒްނަސް އަދި އެކައުންޓިންގ ދާއިރާގެ ކޯސްތަކުގެ އިތުރުން، އިންފޮމޭޝަން ޓެކްނޮލަޖީގެ ކޯސްތަކާއި، ޤާނޫނީ ދާއިރާގެ ކޯސްތައް ހިމެނެއެވެ. އެގޮތުން ސެޓްފިކެޓް ލެވަލްގެ ޓީޗިންގ ކޯސްތަކުން ފެށިގެން، ޑިޕްލޮމަރ އިން ޓީޗިންގ، އެސޯސިއޭޓް ޑްގްރީ އިން ޓީޗިންގ އަދި ބެޗެލަރސް އިން ޓީޗިންގގެ ކޯސްތަކަށް ކުރިމަތިލުމުގެ ފުރުސަތު ވަނީ ހުޅުވާލައިފައެވެ. އަދި އެސޯސިއޭޓް ޑްގްރީ އިން ސްޕެޝަލް ނީޑްސް އެޑިއުކޭޝަން، މާސްޓަރސް އިން ސްޕެޝަލް އެޑިއުކޭޝަން ނީޑްސް، ބެޗެލަރސް އޮފް ސެކެންޑަރީ އެޑިއުކޭޝަންގެ ކޯސްތައް ހިމެނެއެވެ.
އޭގެއިތުރުން މަންދު ކޮލެޖުން މި އިންޓޭކުގައި ކުރިއަށްގެންދާ ކޯސްތަކުގެ ތެރޭގައި ބިޒްނަސް މެނޭޖްމެންޓްގެ ސެޓްފިކެޓް ލެވަލްގެ ކޯސްތަކުން ފެށިގެން މާސްޓަރސް އިން ބިޒްނަސް އެޑްމިނިސްޓްރޭޝަންގެ ކޯސްތަކާއި، ބެޗެލަރސް އިން ބިޒްނަސް އެކައުންޓިންގ، ބެޗެލަރސް އިން ބިޒްނަސް ހިއުމަން ރިސޯސް މެނޭޖްމެންޓް، ބެޗެލަރސް އިން ބިޒްނަސް މާކެޓިންގ، ބެޗެލަރސް އިން ބިޒްނަސް މެނޭޖްމެންޓްގެ ކޯސްތަކަށްވެސް ހިމެނެއެވެ.
މަންދު ކޮލެޖުން ބުނިގޮތުގައި ނޮވެމްބަރ/ޑިސެމްބަރ އިންޓޭކްގައި ބައިވެރިވާން ބޭނުންވާ ދަރިވަރުންނަށް ކޮލެޖްގެ ވެބްސައިޓް މެދުވެރިކޮށް، ކޯހަށް ކުރިމަތިލުމަށް އެދި ހުށަހެޅޭނެއެވެ. އޭގެއިތުރުން، މަންދު ކޮލެޖްގެ ނަމްބަރ 9750055 އަށް ވައިބަރ މެދުވެރިކޮށްވެސް ހުށަހެޅޭނެކަމަށް އެ ކޮލެޖުން ވަނީ ބުނެފައެވެ.
