އިންޓަ ސްކޫލް ވޮލީ މުބާރާތް: ފ.އަތޮޅު މަދަރުސާ، އިމާދުއްދީން، ކެޔޮދޫ އަދި ކުނބުރުދޫ މޮޅުވެއްޖެ

އިންޓަ ސްކޫލް ވޮލީ ބޯޅަ މުބާރާތުގެ 16 އަހަރުން ދަށުގެ އަންހެން ބައިގައި ފ.އަތޮޅު މަދަރުސާ، އިމާދުއްދީން ސްކޫލް، ކެޔޮދޫ ސްކޫލް އަދި އދ.ކުނބުރުދޫ ސްކޫލް ކުޅުނު މެޗު އެ ޓީމުތަކުން ކާމިޔާބު ކޮށްފި އެވެ.

ބުދަ ދުވަހުގެ ހަވީރު މާފަންނު އައުޓްޑޯ ވޮލީ ކޯޓުގައި ކުޅުނު މެޗުތަކުގައި ފ.އަތޮޅު މަދަރުސާ އިން ވަނީ ތާޖުއްދީން ސްކޫލް ބަލިކޮށްފަ އެވެ. އެ ސްކޫލުން އެ މެޗު ކާމިޔާބު ކުރީ ސީދާ ދެ ސެޓުންނެވެ. މެޗުގެ ސެޓުތައް ފ.އަތޮޅު މަދަރުސާ އިން ކާމިޔާބު ކުރީ 25-8 އަދި 25-7 އިންނެވެ. މެޗުގެ މޮޅު ކުޅުންތެރިޔަކަށް ހޮވުނީ އެ ޓީމުގެ އީމާން އަލީ އެވެ. ކުނބުރުދޫ ސްކޫލް އިން ވަނީ އދ.އަތޮޅު މަދަރުސާގެ މައްޗަށް ސީދާ ދެ ސެޓުން ކުރި ހޯދައިފަ އެވެ. މެޗުގެ ސެޓުތައް އެ ޓީމުން ކާމިޔާބު ކުރީ 25-9 އަދި 25-22 އިންނެވެ. މެޗުގެ މޮޅު ކުޅުންތެރިޔަކަށް ހޮވުނީ އެ ޓީމުގެ ފާތިމަތު ފައިޙާ މުޙައްމަދު އެވެ.

މިބައިގައި އިމާދުއްދީން ސްކޫލް އަދި ކަލާފާނު ސްކޫލް ވާދަކުރި މެޗު އިމާދުއްދީނުން ކާމިޔާބު ކުރީ ސީދާ ދެ ސެޓުންނެވެ. މެޗުގެ ސެޓުތައް އިމާދުއްދީނުން ހޯދީ 25-14 އަދި 25-19 އިންނެވެ. މެޗުގެ މޮޅު ކުޅުންތެރިޔަކަށް ހޮވުނީ އެ ޓީމުގެ މިންހަތު އަޙުމަދު އެވެ. ކ.އަތޮޅު ތައުލީމީ މަރުކަޒު ވަނީ ކެޔޮދޫ ސްކޫލާ ވާދަކޮށް ސީދާ ދެ ސެޓުން ބަލިވެފަ އެވެ. މެޗުގެ ސެޓުތައް ކެޔޮދޫން އިން ކާމިޔާބު ކުރީ 25-16 އަދި 25-12 އިންނެވެ. މެޗުގެ މޮޅު ކުޅުންތެރިޔަކަށް ހޮވުނީ ކެޔޮދޫ ސްކޫލްގެ އާމިނަތު ޝަފުޤާ ޔޫސުފް އެވެ.

ބުދަ ދުވަހުގެ ރޭ ކުޅުނު 14 އަހަރުން ދަށުގެ އަންހެން ބައިގެ މެޗުތަކަށް ބަލާއިރު، ތާޖުއްދީން ސްކޫލް އިން ވަނީ މުހްޔިއްދީން ސީދާ ދެ ސެޓުން ބަލިކޮށްފަ އެވެ. މެޗުގެ ސެޓުތައް ތާޖުއްދީނުން ކާމިޔާބު ކުރީ 25-23 އަދި 25-16 އިންނެވެ. މެޗުގެ މޮޅު ކުޅުންތެރިޔަކަށް ހޮވުނީ ތާޖުއްދީންގެ ޚަދީޖާ ޖިއާން ޖަވާދު އަޙުމަދު އެވެ. ހުރަވީ ސްކޫލާ ވާދަކޮށް ކެޔޮދޫ ސްކޫލް ވެސް މޮޅުވެފައި ވަނީ ސީދާ ދެ ސެޓުންނެވެ. މެޗުގެ ސެޓުތައް ކެޔޮދޫން އިން ހޯދީ، 25-6 އަދި 25-21 އިންނެވެ. މެޗުގެ މޮޅު ކުޅުންތެރިޔަކަށް ހޮވުނީ ކެޔޮދޫގެ އައިޝަތު އަޒްކާ މުޙައްމަދު ނާޝިދު އެވެ.

މިބައިގައި މަޑިފުށި ސްކޫލް އަދި ކ.އަތޮޅު ތައުލީމީ މަރުކަޒު ބައްދަލު ކުރި މެޗު، ސީދާ ދެ ސެޓުން ކާމިޔާބު ކުރީ މަޑިފުށި ސްކޫލް އެވެ. މެޗުގެ ސެޓުތައް އެ ޓީމުން ހޯދީ 25-13 އަދި 25-14 އިންނެވެ. މެޗުގެ މޮޅު ކުޅުންތެރިޔަަކަށް ހޮވުނީ މަޑިފުށި ސްކޫލްގެ މަރިޔަމް ޔާނީ ޚަލީލް އެވެ. ފ.އަތޮޅު މަދަރުސާ އިން ވަނީ ސީދާ ދެ ސެޓުން މަޖީދިއްޔާ ސްކޫލް ބަލިކޮށްފަ އެވެ. އެ ޓީމުން މެޗުގެ ސެޓުތައް ކާމިޔާބު ކުރީ 25-16 އަދި 25-11 އިންނެވެ. މެޗުގެ މޮޅު ކުޅުންތެރިޔަކަށް ހޮވުނީ ފ.އަތޮޅު މަދަރުސާގެ އީޝާ އަލީ އެވެ.

މުބާރާތުގެ ކުޅުން ބުރާސްފަތި ދުވަހު ވެސް ކުރިއަށް ދާނެ އެވެ.