ހައްދުންމަތީގެ ބައެއް ރަށްތަކުގައި އަސްކަރީ ތަމްރީންތަކެއް މިމަހު ކުރިއަށްގެންދަން ނިންމައިފިއެވެ.

އެމްއެންޑީއެފުން ބުނީ މި އަސްކަރީ ތަމްރީންތައް ކުރިއަށްގެންދަން ހަމަޖެހިފައިވަނީ މިމަހުގެ 20ން 30ށް ކަމަށެވެ. އެ މުއްދަތުގައި ކޮންމެ ދުވަހެއްގެ އިރުއޮއްސި 6ން ހެނދުނު 6ށް ތަމްރީންތައް ކުރިއަށްދާނެއެވެ.

ލ އަތޮޅުގެ 12 ރަށެއްގައި މި ތަމްރީންތައް ކުރިއަށްގެންދިއުމަށް ވަނީ ހަމަޖެހިފައެވެ. ގާދޫ، ފޮނަދޫ، ގަން، ގަސްފިނޮޅު، އުވަދެވިފުށި، ކަޅައިދޫ، ކައްދޫ، މާންދޫ، މަހާކަންފުށި، ބަރެސްދޫ، ބޮކައިފުށި އަދި މުންޑޫގައި މި ތަމްރީންތައް ކުރިއަށްދާނެއެވެ.

އެމްއެންޑީއެފުން ބުނީ މި ތަމްރީންތަކުގައި ވައިގެ ސަރަހައްދުވެސް ބޭނުންކުރާނެ ކަމަށެވެ.