ޓެންޑުލްކަރުގެ ރެކޯޑް ރޯހިތަށް
ބަލިވި މައިގަނޑު ސަބަބަކީ އިންޑިޔާގެ ބެޓީން ވަރުގަދަވުން: އަފްގާނިސްތާން ކެޕްޓަން
އިންޑިޔާގެ ކެޕްޓަން ރޯހިތް
އިންޑިޔާގެ ކްރިކެޓް ލެޖެންޑް ސަޗިން ޓެންޑުލްކަރުގެ ރެކޯޑް އެ ގައުމުގެ މިހާރުގެ ކެޕްޓަން ރޯހިތް ޝަރުމާ މުގުރާލައިފި އެވެ.
ދުނިޔޭގެ ކްރިކެޓް މުބާރާތް ވޯލްޑްކަޕްގައި އެންމެ ގިނަ ސައްތަ ހެދި ކުޅުންތެރިއަކީ ޓެންޑުލްކަރު އެވެ. އެއީ ހަ ސައްތަ އެވެ. މި ރެކޯޑް ރޯހިތް މުގުރާލީ އިންޑިޔާގައި މިހާރު ކުރިއަށްދާ ވޯލްޑްކަޕުގައި އަފްގާނިސްތާން އަތުން މޮޅުވި މެޗުގަ އެވެ.
މި މެޗުގައި އަށް ވިކެޓުން އިންޑިޔާ މޮޅުވިއިރު ރޯހިތް ވަނީ 131 ލަނޑު ހަދައިފަ އެވެ. އިންޑިޔާއިން މި މެޗުން މޮޅުވީ 35 އޯވަރުގެ ތެރޭގައި 273 ލަނޑު ހަދައިގެންނެވެ. އަފްގާނިސްތާނަށް 50 އޯވަރުގެ ތެރޭގައި ފުރަތަމަ ކުޅެން ނުކުމެ ހެދުނީ 272 ލަނޑެވެ.
މެޗަށް ފަހު ރޯހިތް ބުނީ މެޗެއްގައި 100 ލަނޑު ހެދުމަކީ ވަރަށް ބޮޑު އުފަލެއް ކަމަށެވެ.
އަފްގާނިސްތާނުގެ ކެޕްޓަން ހަޝްމަތުﷲ ޝާހިދީ ބުނީ އެ ގައުމުން ޓާގެޓް ކުރީ 300 ލަނޑު ހެދުމަށް ކަމަށެވެ. އެ ޓާގެޓަށް ނުދެވުނުއިރު ބަލިވި މައިގަނޑު ސަބަބަކީ އިންޑިޔާގެ ބެޓީން ވަރުގަދަވުން ކަމަށެވެ.
