ކެޕޭސިޓީ ބިލްޑިންގ ޕްރޮގްރާމްގައި ބައިވެރިވުމަށް ކަސްޓަމްސްގެ އޮފިޝަލުންގެ ވަފުދެއް އިންޑިއާއަށް
އޮފިޝަލުން ދަތުރުކުރާނީ އޮކްޓޯބަރު މަހުގެ 8ން 14ށް
ކަސްޓަމްސްގެ އޮފިޝަލުންނާއި އިންޑިއާ އެމްބަސީގެ ބޭފުޅުން
ސެންޓްރަލް ބޯޑް އޮފް އިންޑައިރެކްޓް ޓެކްސް އެންޑް ކަސްޓަމްސް (ސީބީއައިސީ)ގެ ދަށުން ކަސްޓަމްސް ތަމްރީނުކުރާ އެންމެ މަތީ މުއައްސަސާ، ބެންގަލޫރުގެ ނޭޝަނަލް އެކަޑަމީ އޮފް ކަސްޓަމްސް، އިންޑައިރެކްޓް ޓެކްސް އެންޑް ނާކޮޓިކްސް (ނާސިން) އިން"ކްރިއޭޓިން އެންޑް މެނޭޖިން ކެނައިން ސެންޓަރު"ގެ ޓްރެއިނިން-އަދި-ސްޓަޑީ ޓުއާގައި ބައިވެރިވުމަށް މޯލްޑިވްސް ކަސްޓަމްސް ސާވިސް (އެމްސީއެސް) ގެ 20 އޮފިޝަލުންގެ ގްރޫޕެއް ދަތުރުކުރަން ނިންމައިފިއެވެ.
ކަސްޓަމްސް އިން ބުނީ އޮފިޝަލުން ދަތުރުކުރާނީ އޮކްޓޯބަރު މަހުގެ 8ން 14ށް ކަމަށާއި އިންޑިޔާ ސަރުކާރުން ވޯލްޑް ކަސްޓަމްސް އޯގަނައިޒޭޝަން (ޑަބްލިއުސީއޯ)ގެ ދަށުން ހުންނަ ނާސިން ބެންގަލޫރު ހިންގަނީ ރީޖަނަލް ޓްރެއިނިން ސެންޓަރުގެ މެންޑޭޓްގެ ދަށުން ކަމަށެވެ.
ފަސް ދުވަހުގެ މުއްދަތަށް ކުރިއަށްގެންދާ މި ޓްރެއިނިންގ-އަދި-ސްޓަޑީ ޓުއާގައި ހިމެނޭ ދާއިރާތަކުގެ ތެރޭގައި އެންފޯސްމަންޓް އެޖެންސީތަކަށް ކެނައިން ސްކޮޑްގެ މުހިންމުކަމާއި، ޒަމާނީ ކެނައިން ސްކޮޑް އުފެއްދުމާއި، ސްކޮޑުގެ އަސާސީ ތަމްރީނާއި، ޑޯގް ހޭންޑްލަރުން ހޯދުމާއި ތަމްރީނުކުރުން ފަދަ ދާއިރާތައް ހިމެނެއެވެ. އަދި އެ ދާއިރާތަކަށް އަމާޒުކޮށްގެންތަޖުރިބާކާރުން ސެޝަތައްބޭއްވުމަށް ހަމަޖެހިފައިވެއެވެ. ބައިވެރިންނަށްއަމަލީ ތަޖުރިބާދިނުމުގެ ގޮތުން ނާސިން ބަންގަލޫރު އިން ވަނީ އަމްރިތުސަރުގެ އަޓާރީގައި ހުންނަސީބީއައިސީގެ ކެނައިން ފެސިލިޓީ "ކަސްޓަމްސް ކޭ9 ސެންޓަރު"ގައި ތަމްރީނުގެ ބައެއް ވެސް އިންތިޒާމްކޮށްފައެވެ. އޭގެތެރޭގައި ބޭސިކް ގްރޫމިންގ، ކެނެލް މެނޭޖްމަންޓް، ސްޕެޝަލައިޒްޑް ސެންޓް ޓްރެއިނިންގ، އޮބިޑެންސް ޓްރެއިނިންގ ފަދަ މައުޟޫޢުތަކަށް ބިނާކޮށް ސެޝަންތައް ތަޖުރިބާކާރުން ނަގާދޭނެއެވެ. މީގެ އިތުރުން މައިސޫރު އަދި އަމްރިތުސަރުގެ ތާރީޙީ އަދި ސަޤާފީ ސިޓީތަކަށް ޒިޔާރަތްކުރުމުގެ ފުރުސަތު ވެސް ބައިވެރިންނަށް ލިބިގެންދާނެއެވެ.
މިދަތުރަކީ އެމްސީއެސްގެ ކެޕޭސިޓީ ބިލްޑިންގގައި އެއްބާރުލުން އިތުރުކުރުމުގެ މަޤްޞަދުގައި 2019 ވަނަ އަހަރުގެ ޖޫން މަހު ބޮޑު ވަޒީރު މޯދީ ރާއްޖެއަށް ކުރެއްވި ފުރަމާނަ ދަތުރުފުޅުގައި ސީ.ބީ.އައި.ސީ އާއި އެމް.ސީ.އެސް އާ ދެމެދު ސޮއިކުރެވުނު "އެމްއޯޔޫ އޮން ކޯޕަރޭޝަން އިން ކަސްޓަމްސް ކެޕޭސިޓީ ބިލްޑިންގ" ގެ ދަށުން ހަމަޖެހިފައިވާ ދަތުރެކެވެ.
މި އެމްއޯޔޫގެ ދަށުން 2020 ވަނަ އަހަރު މިހާތަނަށް މޯލްޑިވްސް ކަސްޓަމްސް ސަރވިސްގެ190 އަށްވުރެގިނަ އޮފިސަރުންއިންޑިއާގައި ތަމްރީނުކުރެވިފައިވެއެވެ. މީގެ އިތުރުން އެމްސީއެސްގެ ގާތްގަނޑަކަށް 90 އޮފިސަރުން ވަނީ ކަސްޓަމައިޒްޑް ވާޗުއަލް ޓްރެއިނިން ޕްރޮގްރާމުގައި ބައިވެރިވެފައެވެ. މީގެ އިތުރުން، އައިޓެކް އިން ޕަރސަން ޓްރެއިނިންގ ޕްރޮގްރާމްތަކުގެ ދަށުން ގިނަ ޢަދަދެއްގެ އެމް.ސީ.އެސް އޮފިސަރުންނަަށް ފައިދާކުރެއެވެ. މި އެމްއޯޔޫގެ ދަށުން ކުރިއަށް އޮތްތަނުގައި ކެޕޭސިޓީ ބިލްޑިންގ އިތުރު ޕްރޮގްރާމްތަކެއް ކުރިއަށް ގެންދިއުމަށް ވަނީ ހަމަޖެހިފައެވެ.
ހަލުވިކަމާއެކު ކުރިއަރަމުން އަންނަ މި ދުނިޔޭގައި،ބައިނަލްއަޤްވާމީ ކުށްތަކާއި، މަސްތުވާތަކެތީގެ ވަގުފާރިފަދަގޮންޖެހުންތައް އުފެދި، ހުރިހާ ޤައުމެއްގެ ޤާނޫނު ތަންފީޒުކުރާ އިދާރާތަކުންވެސް، އެ ގޮންޖެހުންތަކާ ދެކޮޅަށް ދެމިތިބުމަށްޓަކައި، އެފަރާތްތަކުގެ ހުނަރުތައް ފުޅާކުރަންޖެހެއެވެ. ސީބީއައިސީ އާއި އެމްސީއެސްއާ ދެމެދު ކުރެވޭ މަސައްކަތްތަކަކީ މި ގޮންޖެހުންތަކުން އަރައިގަތުމަށް އެއްބާރުލުން ދިނުމުގެ ކާމިޔާބު މިސާލެކެވެ.
އިންޑިޔާއާއި ރާއްޖެއާ ދެމެދު އޮތް ޕާޓްނަރޝިޕަކީ ޙަޤީޤަތުގައި ވެސް ވަރަށް ފުޅާ ގުޅުމެކެވެ. ތަމްރީނާއި ޤާބިލްކަން އިތުރުކުރުމުގެ ރޮނގުން އެއްބާރުލުން ދިނުމަކީ މި ގުޅުމުގެ މައިގަނޑު ތަނބެވެ. ވޭތުވެދިޔަ 5 އަހަރުގެ ތެރޭގައި 2500 ދިވެހި ރަޙްމަތްތެރިން އެކި ތަމްރީނުތަކަށް އިންޑިއާއަށް ޒިޔާރަތްކޮށްފައިވާކަމީ މީގެ ހެއްކެކެވެ. އަދި މި އަދަދު ދަނީ މިހާރުވެސް އިތުރުވަމުންނެވެ.
