ފުރަތަމަ މެޗު ނިއުޒީލޭންޑަށް، އިންގްލޭންޑް ހާހެއްނުވާނެ

ކްރިކެޓް ވޯލްޑްކަޕް ހުޅުވަން ކުޅުނު މެޗު އެންމެ ފަހުގެ ޗެމްޕިއަން އިންގްލޭންޑް ބަލިކޮށް، ރަނަރަބް ނިއުޒީލޭންޑުން ކާމިޔާބުކޮށްފި އެވެ.

އިންޑިޔާގައި އިއްޔެ ފެށި މުބާރާތުގައި ފުރަތަމަ ބެޓް ކުރަން ނުކުތީ ވެސް އިންގްލޭންޑެވެ. 50 އޯވަރުގެ ތެރޭގައި ހުރިހާ ކުޅުންތެރިން ނުބައިވެގެން އެމީހުންނަށް ހެދުނީ 282 ލަނޑެވެ.

ޖަވާބުގައި ކުޅެން ނުކުމެ ނިއުޒީލޭންޑް މޮޅުވީ 36 އޯވަރުގެ ތެރޭގައި 283 ލަނޑު ހަދައިގެންނެވެ.

ނަމަވެސް އިންގްލޭންޑްގެ ކެޕްޓަން ސްޓީވް ކޮންވޭ ބުނީ ފުރަތަމަ މެޗުން ބަލިވި ނަމަވެސް އޭނާގެ ޓީމު ހާސްނުވާ ކަމަށެވެ. އަދި ޓީމުގެ ފޯމު ރަނގަޅުކޮށް، ކުރިއަށްހުރި މެޗުތައް އަނބުރާލެވިދާނެ ކަމަށެވެ.

10 ގައުމު ލީގު އުސޫލުން ކުޅެ މުބާރާތުގެ ސެމީ ފައިނަލަށްދާނީ އެންމެ ގިނަ ޕޮއިންޓް ހޯދާ ހަތަރު ގައުމެވެ.