މާދަމާ ފަށާ ކްރިކެޓް ވޯލްޑްކަޕުގެ ދުނިޔޭގެ އެމްބެސެޑަރަކަށާއި މުބާރާތް ހުޅުވުމުގެ ރަސްމިއްޔާތުގައި ތަށި އުފުލައިދޭނެ މީހަކީ އިންޑިޔާގެ ކްރިކެޓް ލެޖެންޑް ސަޗިން ޓެންޑުލްކަރު ކަމަށް ހަމަޖައްސައިފި އެވެ.

ދުނިޔޭގެ ކްރިކެޓް ކައުންސިލުން މި ގޮތަށް ނިންމީ މުބާރާތުގެ އެންމެ ވިދުންގަދަ އެއް ކުޅުންތެރިއަކީ ޓެންޑުލްކަރު ކަމަށްވެފައި މި މުބާރާތް މި ފަހަރު ބާއްވާ ގައުމަކީ ވެސް އިންޑިޔާ ކަމަށްވުމުންނެވެ.

އޭނާގެ މައިގަނޑު މަސައްކަތަކަށްވާނީ ދުނިޔެ އަށް މުބާރާތް މާކެޓްކޮށްދިނުމެވެ. އަދި ކްރިކްޓެ ވޯލްޑްކަޕުގެ ތެރޭގައި ޒުވާން ޖީލުގެ މެދުގައި މި ކުޅިވަރު މަޝްހޫރުކޮށްދިނުމެވެ.

އޭނާ އަކީ ދުނިޔެ ދުށް އެންމެ މޮޅު އެއް ބެޓްސްމަނެވެ. އަދި 2003 ވަނަ އަހަރުގެ ވޯލްޑްކަޕް އިންޑިޔާ އަށް ކާމިޔާބުކޮށްދިން އެންމެ މުހިންމު އެއް ކުޅުންތެރިޔާ އެވެ. އަދި މުބާރާތުގެ އެންމެ މޮޅު ކުޅުންތެރިޔާ ވެސްމެ އެވެ. އޭނާ ރިޓަޔާކުރީ ހަ ވޯލްޑްކަޕުގައި ކުޅެފަ އެވެ.

ޓެންޑުލްކަރު 1987 ވަނަ އަހަރު ކެރިކެޓް ކުޅެން ފެށުމުގެ ކުރިން އޭނާ އަކީ ބޯލްބޯއީއެކެވެ. އޭނާ ބުނީ ވޯލްޑްކަޕަކީ އޭނާގެ ހިތުން ހާއްސަ ޖާގައެއް ދީފައިވާ މުބާރާތެއް ކަމަށާއި އަދި މިއީ ޒުވާނުން ކްރިކެޓަށް ލޯބިކުރާނެ ސަބަބަކަށްވާނެ މުބާރާތެއް ކަމަށެވެ.