ވުލްވުސް އިން ޗެމްޕިއަން ސިޓީގެ މޮޅުވުމުގެ ސިލްސިލާއަށް ނިމުން ގެނެސްފި
ލީގުގައި ކުޅުނު ފުރަތަމަ ހަ މެޗުން ސިޓީ މޮޅުވި
ސިޓީ އަތުން ވުލްވްސް މޮޅުކޮށްދިން ލަނޑު ޖެހުމަށްފަހު އުފާފާޅުކުރަނީ: ފޮޓޯ-ރޮއިޓަރސް
ޗެމްޕިއަން މެންޗެސްޓަރ ސިޓީން ދަމަހައްޓަމުން އައި މޮޅުވުމުގެ ސިލްސިލާއަށް ވުލްވްސް އިން ނިމުން ގެނެސްފިއެވެ.
ލީގުގައި ސިޓީން ދަމަހައްޓަމުން އައި މޮޅުވުމުގެ ސިލްސިލާއަށް ވުލްވްސް އިން ނިމުން ގެނައީ އަމިއްލަ ދަނޑުގައި 2-1 ން ބަލިކޮށްގެންނެވެ. މެޗުގެ ފުރަތަމަ ހާފްގައި ވުލްވްސް އަށް ލީޑް ލިބުނީ ސިޓީގެ ޑިފެންޑަރ ރުބެން ޑިއާޒް އަތުން ބައިކޮޅަށް ވަން ގޯލުންނެވެ. ދެވަނަ ހާފްގައި ސިޓީގެ އާޖެންޓީނާ ފޯވާޑް އަލްވާރޭޒް ނަތީޖާ ހަމަހަމަކުރިއެވެ. އެކަމަކު ވުލްވުސްއިން ވަނީ ދެވަނަ ލަނޑެއް ޖަހާ ސިޓީ ސިއްސުވާލާފައެވެ. ވުލްވްސް މޮޅުކޮށްދިން ލަނޑު ޖެހީ ހުވަންގ ހީ ޗަންގ އެވެ.
މިއީ ވުލްވްސް ދޫކޮށް, ސިޓީއަށް ބަދަލުވި ޕޯޗްގަލް މިޑްފީލްޑަރ މެތިއު ނޫނޭޒް ކުރީގެ ކްލަބާ ދެކޮޅަށް ކުޅުނު ފުރަތަމަ މެޗެވެ. އެކަމަކު ދެވަނަ ހާފްގައި އޭނާ ބަދަލުކުރިއެވެ. މިސީޒަންގައި ސިޓީން ވަނީ ލީގުގައި ފުރަތަމަ ކުޅުނު ހަ މެޗުވެސް ކާމިޔާބުކޮށްފައެވެ. ބަލިވީ ހަތްވަނަ މެޗުންނެވެ.
މެޗުން ބަލިވިޔަސް ސިޓީއަށް އައި އެއްވަނައެއް ނުގެއްލެއެވެ. ޕޮއިންޓެއްގެ ލީޑަކާއެކު އެއްވަނާގައި އޮތީ މެންޗެސްޓަރ ސިޓީއެވެ.
