މިގޮތުގައި ކުރިއަށްދާން ޖެހޭ: ސެކުލޮސްކީ
20 ޖުލައި 2017 | ބުރާސްފަތި 17:11މާޒިޔާއަށް ޗެމްޕިއަންކަން ލިބުނީ ލަނޑުގެ ތަފާތުން ތާވަލުގެ އެއްވަނަ ލިބުމުން
މާޒިޔާގެ ކޯޗް މާޔަން ސެކުލޯސްކީ
ލީގު ހޯދަން ކުޅުންތެރިން ކުރަންޖެހުނު ހުރިހާކަމެއް ކޮށްފި ކަމަށާއި މިގޮތުގައި ކުރިއަށްދާން އެބަ ޖެހޭކަމަށް މާޒިޔާ ސްޕޯޓްސް އެންޑް ރެކްރިއޭޝަންގެ ކޯޗް މާޔަން ސެކުލޮސްކީ ބުނެފިއެވެ.
އެސްޓީއޯ މާލެ ލީގުގެ ޗެމްޕިއަންކަން ހޯދުމަށްފަހު ނޫސްވެރިންނާއި ވާހަކަ ދައްކަނުން ކޯޗް ބުނީ، މެޗަށް ނިކުތް އިރުގައިވެސް އެންމެ ޕޮއިންޓެއް ހޯދާލައިގެން ލީގު ލިބެން އޮތް ކަމަށާއި، ނަމަވެސް މަސައްކަތްކުރީ މޮޅުވާ ކަމަށެވެ. ކޯޗު ބުނީ ކަންދިމާކުރި ގޮތުން ތިން ޕޮއިންޓް ހޯދޭގޮތް ނުވި ކަމަށާއި ނަމަވެސް ޕޮއިންޓަކުން ފުއްދާލަން ޖެހުނީ ކަމަށެވެ. ކޯޗް ބުނީ ލީގު ވަރަށް ވާދަވެރި ކަމަށާއި، އެހެންކަމުން ޕޮއިންޓަކުން ފުއްދާލަން ޖެހުނަސް ޗެމްޕިއަންކަން ލިބުމުން އުފާވާ ކަމަށެ. އެގޮތުން ކޯޗު ވަނީ ޓީމު ކުޅުންތެރިންނަށާއި، މެނޭޖްމަންޓަށާއި، އަދި ސަޕޯޓަރުންނަށް ވަރަށް ބޮޑަށް ޝުކުރު އަދާކޮށްފައެވެ.
އިތިރަށް ވާހަކަ ދައްކަމުން ކޯޗް ބުނީ، ލީގު ފެށުނީއްސުރެ އެއްވަނަ މަގާމުގައި އޮވެ ލީގު ނިންމާލެވުމަކީ ހާސިލް ކުރެވުނު ވަރަށް ބޮޑު އެޗީވްމަންޓެއް ކަމަށާއި، ނަމަވެސް އެކަމަށް ވަރަށް ގިނަ ހުރަސްތަކެއް އެޅިގެން ދިޔަ ކަމަށެވެ. އެގޮތުން ލީގުގެ ފަހު ބުރުގައި ޓީމް އޮތީ ވަރަށް އުނދަގޫ ހާލަތެއްގައި ކަމަށްވެސް ކޯޗް ވަނީ ފާހަގަ ކޮށްފައެވެ.
މިފަހަރުގެ ސީޒަނަށް މާޒިޔާ އިން ހުރިހާ ތައްޓެއް ކާމިޔާބުކުރުމުގެ އަމާޒުގައި ނިކުމެފައި ވާއިރު އެޓީމް މިހާތަނަށް ވަނީ ޗެރިޓީ ޝީލްޑާއި މާލެ ލީގު ކާމިޔާބުކޮށްފައެވެ. އެޓީމުން މާލެ ލީގުގެ ފުރަތަމަ ބުރު ނިންމާލާފައި ވަނީ 100 މޮޅާއި އެކުގައެވެ.
މާލެ ލީގު ކާމިޔާބު ކުރުމާއި އެކު ދެން އެޓީމަށް ޖެހޭނީ ދިވެހި ލީގުގައި ވާދަކުރާށެވެ. އެގޮތުން ދިވެހި ޕްރެމިއާ ލީގުގައި ވާދަކުރާނީ މާލެ ލީގުގެ ގަދަ ހަތަރު ޓީމާ އެސްޓީއޯ މިނިވަން ޗެމްޕިއަންޝިޕް ފުޓުބޯޅަ މުބާރާތުގެ ގަދަ 4 ޓީމެވެ.
