2025ގެ އެފްރިކާ ކަޕް މޮރޮކޯގައި
28 ސެޕްޓެމްބަރު 2023 | ބުރާސްފަތި 00:36މޮރޮކޯ އަށް ފުރުސަތުދޭން ނިންމީ ވޯލްޑްކަޕް ބިޑް ކާމިޔާބު ކުރަން އެހީތެރިވުމުގެ ގޮތުން
އެފްރިކާ ކަޕް އޮފް ނޭޝަންސް
2025 އާއި 2027ގައި އެފްރިކާ ކަޕް ބާއްވާނެގެ ގައުމުތައް ކަނޑައަޅައިފި އެވެ.
އެފްރިކާގެ މައި ފުޓްބޯޅަ ޖަމިއްޔާއިން ބުނީ 2025 ވަނަ އަހަރުގެ މުބާރާތް އޮންނާނީ މޮރޮކޯގައި ކަމަށެވެ. އަދި އޭގެ ދެ އަހަރު ފަހުން މުބާރާތް އޮންނާނީ ކެންޔާ އާއި ޔުގެންޑާ އަދި ޓެންޒޭނިއާގައި ކަމަށެވެ.
މޮރޮކޯ އަށް މުބާރާތް ބޭއްވުމުގެ ފުރުސަތު ލިބުނީ އެމީހުންނާ ވާދަކުރި ގިނީން އެ ފުރުސަތު ދޫކޮށްލުމުންނެވެ. އެއީ މުބާރާތަށް ދަނޑުތައް ތައްޔާރުނުކުރެވުމާއި ވަސީލަތްތަކުގެ ގޮތުން އެ ގައުމަށް ތައްޔާރުނުވެވޭނެކަމަށް ބުނުމުންނެވެ. 2025 ވަނަ އަހަރުގެ މުބާރާތް ބޭއްވުމަށް ޒެމްބިއާ އާއި ނައިޖީރިއާ އާއި ބެނިން ވެސް ވާދަކުރި އެވެ. އެކަމަކު މޮރޮކޯގެ އިސްނެގުމަށް މި ގައުމުތަކުން ވަނީ އެމީހުންގެ ހުށަހެޅުން އަނބުރާ ގެންގޮސްފަ އެވެ.
މޮރޮކޯ އަކީ 2030ގެ ވޯލްޑްކަޕް ބާއްވަން ސްޕޭނާއި ޕޯޗުގަލްއާއާއެކު ކުރިމަތިލާ ގައުމެކެވެ. އެފްރިކާގެ ގައުމުތަކުން މޮރޮކޯ އަށް އެފްރިކާ ކަޕް ބާއްވަން ފުރުސަތުދޭން ނިންމީ ވޯލްޑްކަޕް ބިޑް ކާމިޔާބު ކުރަން މޮރޮކޯ އަށް އެހީތެރިވުމުގެ ގޮތުންނެވެ.
އެފްރިކާކަޕް އެންމެ އަވަހަށް އޮންނާނީ އަންނަ އަހަރުގެ ފެބްރުއަރީގަ އެވެ. އެ މުބާރާތް އޮންނާނީ އައިވަރީ ކޯސްޓްގަ އެވެ.
