އަދާލަތު ޕާޓީގެ ހުޅުމާލޭ ގޮފިން އިދިކޮޅު ކެންޑިޑޭޓަށް ތާއީދުކުރިކަމަށް ބުނެ ފަތުރަނީ ދޮގު ޚަބަރެއް
27 ސެޕްޓެމްބަރު 2023 | ބުދަ 09:53އިދިކޮޅު ކެންޑިޑޭޓުގެ ކެމްޕޭނުގައި ޢަދާލަތު ޕާޓީގެ ނަމާއި ކުލައާއި ލޯގޯ ތަކުރާރުކޮށް ބޭނުންކުރަމުންދޭ
އަދާލަތު ޕާޓީ
އަދާލަތު ޕާޓީގެ ހުޅުމާލޭ ގޮފިން އިދިކޮޅު ކެންޑިޑޭޓް ޑރ މުޙައްމަދު މުއިއްޒުއަށް ތާއީދު ކޮށްފިކަމަށް ބުނެ ފަތުރަމުންދާ ޚަބަރަކީ ކަނޑައެޅިގެން ދޮގެއްކަމަށް އެ ޕާޓީން ބުނެފިއެވެ.
އަދާލަތު ޕާޓީން ބުނީ، އިދިކޮޅު ކެންޑިޑޭޓުގެ ކެމްޕޭނުގައި ޢަދާލަތު ޕާޓީގެ ނަމާއި ކުލައާއި ލޯގޯ ތަކުރާރުކޮށް ބޭނުންކުރަމުންދާ ކަމަށެވެ.
އަދި އެއީ އެ ޕާޓީން ހަރުކަށި އިބާރާތުން ކުށްވެރިކުރާކަމެއްކަމަށް ވެސް ބުނެފައިވެއެވެ.
ގުޅިފައިވާ ކޯލިޝަނުން އެމްޑީއޭ ވަކިވުމާއި ގުޅިގެން އަދާލަތު ޕާޓީން ވަނީ އެ ޕާޓީގެ މަޝްވަރާ މަޖިލީހުން 2023 ވަނަ އަހަރުގެ ރިޔާސީ އިންތިޚާބާ ގުޅޭގޮތުން ނިންމާފައިވާ ނިންމުމާ އެއްގޮތަށް، ރިޔާސީ އިންތިޚާބުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަށް ތާޢީދުކުރުންމަތީ އެ ޕާޓީއިން ސާބިތުކަމާއެކީ ދެމިއޮތްކަމަށް ބުނެފައެވެ.
