ކ. މާލެ
|
8 ސެޕްޓެންބަރ 2023 | ހުކުރު 10:44
ނެދަލެންޑްސް އާއި ގްރީސް ކުޅުނު މެޗުގެ ތެރެއިން
ނެދަލެންޑްސް އާއި ގްރީސް ކުޅުނު މެޗުގެ ތެރެއިން
ޓްވީޓަރ
ޔޫރޯ ކޮލިފައިން
ގްރީސް ބަލިކޮށް ނެދަލެންޑްސް ގްރޫޕްގެ ދެ ވަނަ އަށް
 
މޮޅާއެކު ނެދަލެންޑްސް ދެ ވަނަ އަށް ޖެހިލީ ކުޅުނު ތިން މެޗުން ހަ ޕޮއިންޓު ހޯދައިގެން

ޔޫރޯ ކޮލިފައިންގައި ގްރީސްއާ ދެކޮޅަށް ކުޅުނު މެޗުން މޮޅުވެ، ނެދަލެންޑްސް ގްރޫޕް ބީގެ ދެ ވަނަ އަށް ޖެހިލައިފި އެވެ.

ބުރާސްފަތި ދުވަހުގެ ރޭ ކުޅުނު މެޗު ނެދަލެންޑްސް އިން ކާމިޔާބު ކުރީ 3-0 އިންނެވެ. މެޗުގައި ނެދަލެންޑްސްގެ ތިން ލަނޑު ވެސް އެ ޓީމުން ޖެހީ ފުރަތަމަ ހާފުގަ އެވެ. މެޗު ފަށައިގެން 17 ވަނަ މިނެޓުގައި ނެދަލެންޑްސް އަށް ލީޑު ނަގައިދިނީ މާޓެން ޑެން ރޫމް އެވެ. އޭގެ ފަހުން 31 ވަނަ މިނެޓުގައި އެ ޓީމުގެ ދެ ވަނަ ލަނޑު ޖަހައިދިނީ ކޯޑީ ގަކްޕޯ އެވެ. އޭނާ އެ ލަނޑު ޖެހީ ޑެންޒެލް ޑަމްފްރީސް ތަނަވަސްކޮށްދިން ފުރުސަތެއްގަ އެވެ. އޭގެ އަށް މިނެޓު ފަހުން ނެދަލެންޑްސްގެ ތިން ވަނަ ލަނޑު ވޭހޯސްޓް ޖެހީ ވެސް ޑަމްފްރީސް ތަނަވަސްކޮށްދިން ފުރުސަތެއްގަ އެވެ.

Advertisement

މޮޅާއެކު ނެދަލެންޑްސް ދެ ވަނަ އަށް ޖެހިލީ ކުޅުނު ތިން މެޗުން ހަ ޕޮއިންޓު ހޯދައިގެންނެވެ. ނެދަލެންޑްސް އަށް ވުރެ އެއް މެޗު އިތުރަށް ކުޅެގެން ގްރީސް އަށް ވެސް ލިބެނީ ހަ ޕޮއިންޓެވެ. އެހެން ނަމަވެސް، ފައިދާ ލަނޑުން ކުރި ހޯދަނީ ނެދަލެންޑްސް އެވެ.

Advertisement
އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް