ރ. އުފުލަންދޫ ފަޅުރަށް، ރ. މަޑުއްވަރީ ކައުންސިލާ ހަވާލުކޮށްފި
6 ސެޕްޓެމްބަރު 2023 | ބުދަ 12:42ފަޅުރަށް ބެލެހެއްޓުން ރ. މަޑުއްވަރީ ކައުންސިލާ ހަވާލުކޮށްފައިވަނީ 5 އަހަރުގެ ދުވަހުގެ މުއްދަތަށް
ރ. އުފުލަންދޫ ފަޅުރަށް ރ. މަޑުއްވަރީ ކައުންސިލާ ހަވާލުކުރުމުގެ އެއްބަސްވުމުގައި ސޮއިކުރުން
ރ. އުފުލަންދޫ ފަޅުރަށް, ރ. މަޑުއްވަރީ ކައުންސިލާ ހަވާލުކޮށްފިއެވެ.
ބުދަ ދުވަހު ބޭއްވި ރަސްމިއްޔާތެއްގައި އެއްބަސްވުމުގައި މިނިސްޓްރީ އޮފް ނޭޝަނަލް ޕްލޭނިންގ ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ ސްޓޭޓް މިނިސްޓަރު އަކްރަމް ކަމާލުއްދީނެވެ. ރ. މަޑުއްވަރީ ކައުންސިލްގެ ފަރާތުން ސޮއިކުރެއްވީ ކައުންސިލް މެމްބަރު އާޔަތުﷲ ނައީމެވެ.
ރ. އުފުލަންދޫ ފަޅުރަށް ރ. މަޑުއްވަރީ ކައުންސިލާ ހަވާލުކުރުމަށް ރައީސުލްޖުމްހޫރިއްޔާ ނިންމެވުމާ ގުޅިގެން، ރ. އުފުލަންދޫ ފަޅުރަށް ބެލެހެއްޓުން ރ. މަޑުއްވަރީ ކައުންސިލާ ހަވާލުކޮށްފައިވަނީ 5 އަހަރު ދުވަހުގެ މުއްދަތަކަށެވެ.
ރ. އުފުލަންދޫ ފަޅުރަށް ރ. މަޑުއްވަރީ ކައުންސިލާ ހަވާލުކޮށްފައިވާއިރު، ކުރިން ފަތުރުވެރިކަމަށް ދޫކޮށްފައި އޮތުމަށްފަހު ސަރުކާރަށް ނަގާފައިވާ ރ. އުފުލަންދޫ އެ އަތޮޅުގެ ރައްޔިތުންގެ ބޭނުމަށް އަލުން ދޫކުރައްވާނެ ކަމަށް މާޅޮސްމަޑުލު އުތުރުބުރީ އަތޮޅު ކައުންސިލާއެކު ބޭއްވެވި ބައްދަލުވުމުގައި ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު ވިދާޅުވީ މިއަހަރުގެ ޖެނުއަރީ މަހުގެ ތެރޭގައެވެ.
