އއ. ރަސްދޫ މަޑިވަރު ފިނޮޅު އިއާދަކޮށް ތަރައްގީކުރުމުގެ މަޝްރޫއުގެ އެއްބަސްވުމުގައި ސޮއިކޮށްފިއެވެ.

މި މަސައްކަތް ހަވާލުކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ ޕަބްލިކް ލިމިޓެޑް (އެމްޓީސީސީ)އާއެވެ.

މި މަޝްރޫއުގެ އަގަކީ 27,616,140.00 (ހަތާވީސް މިލިއަން ހަ ލައްކަ ސޯޅަ ހާސް ސަތޭކަ ސާޅީސް ރުފިޔާ)އެވެ.

މި މަޝްރޫއުގެ ދަށުން ރަށް ވަށައިގެން 3 ހެކްޓަރުގެ ސަރަހައްދެއް ވެލިން މުއްސަނދިކޮށް، ރަށުގެ ދެކުނު ފަރާތުގައި 415 މީޓަރުގެ ޖިއޯޓިއުބު ގާއިމުކޮށް، ގޮނޑުދޮށް ހިމާޔަތްކުރުމަށް ވަނީ ހަމަޖެހިފައެވެ.

އެ މަޝްރޫއު ހަވާލުކޮށްފައިވަނީ 250 ދުވަހުގެ ތެރޭގައި ނިންމާ ގޮތަށެވެ.

މި ކޮންޓްރެކްޓްގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ ޑިރެކްޓަރ ޖެނެރަލް ފާތިމަތު ޝާނާ ފާރޫގެވެ. އަދ،ި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮންޕެނީ ޕަބްލިކް ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ ޗީފް އެގްޒެކެޓިވް އޮފިސަރ އާދަމް އާޒިމެވެ.