ހުޅުމާލެއިން މީހަކު ގެއްލިގެން ހޯދަނީ
26 އޯގަސްޓު 2023 | ހޮނިހިރު 15:53މުހައްމަދު ތައުފީގު އާއިލާއަށް ޚަބަރެއްނުވެ ގެއްލިފައިވާ ކަމަށް އޮގަސްޓް 26 ވަނަ ދުވަހު ރިޕޯޓުކޮށްފައިވާތީ، އޭނާ ހޯދުމުގެ މަސައްކަތް އަންނަނީ ކުރަމުން
ގެއްލިގެން ހޯދަމުން އަންނަ މުހައްމަދު ތައުފީގު
ހުޅުމާލެ ފޭސް 2ގައި ދިރިއުޅެމުންދާ ހއ. ބާރަށް / ސައިނިންގސްޓަރ މުހައްމަދު ތައުފީގު ގެއްލިގެން ހޯދަން އިއުލާންކޮށްފިއެވެ.
ފުލުހުން ބުނީ އުމުރުން 35 އަހަރުގެ މުހައްމަދު ތައުފީގު އާއިލާއަށް ޚަބަރެއްނުވެ ގެއްލިފައިވާ ކަމަށް އޮގަސްޓް 26 ވަނަ ދުވަހުގެ 1:35ހާއިރު ރިޕޯޓުކޮށްފައިވާތީ، އޭނާ ހޯދުމުގެ މަސައްކަތް ފުލުހުން ކުރަމުންދާކަމަށެވެ.
އޭނާ އެންމެ ފަހުން ފެނިފައިވަނީ ހުޅުމާލެ ފޭސް 2ގައި އޭނާ ދިރިއުޅެމުންދާ އެޕާޓްމަންޓުން، އޮގަސްޓް 22 ވަނަ ދުވަހުގެ 11:00ހާއިރު ކަމަށް ފުލުހުން ބުނެއެވެ. އޭރު ލައިގެންހުރީ ގޮޅިޖެހި ރަތްކުލައިގެ ގަމީހަކާއި ނޫކުލައިގެ ޖިންސެއްކަމަށް އޭނާގެ އާއިލާއިން ފުލުހުންނަށް މައުލޫމާތުދީފައިވެއެވެ.
މުޙައްމަދު ތައުފީގުގެ އެއްވެސް މައުލޫމާތެއް ލިބިފައިވާނަމަ، ފުލުހުންގެ ހޮޓްލައިން 3322111ށް ނުވަތަ ހުޅުމާލެ ފޭސް 2 ޕޮލިސް ސްޓޭޝަންގެ ނަމްބަރު 9393351ށް ގުޅައި ހިއްސާކުރުމަށް ފުލުހުން އެދެއެވެ.
