ކްލަބް މޯލްޑިވްސް ކަޕްގެ ފައިނަލުން ރޯޑް ރެކްރިއޭޝަން ކްލަބާއި ވެމްކޯ ޖާގަ ހޯދައިފިއެވެ.

ދެ ޓީމު ވެސް ފައިނަލުން ޖާގަ ހޯދީ އެއް ނަތީޖާއަކުން ސެމީފައިނަލް މެޗު ކާމިޔާބުކޮށްގެންނެވެ. އެއީ 7-3 ން ސެމީފައިނަލް މެޗު ކާމިޔާބުކޮށްގެންނެވެ. ރޯޑް ރެކްރިއޭޝަން ކްލަބް (އާރުއާރުސީ) ސެމީފައިނަލް މެޗު ކާމިޔާބުކުރީ ޓީމް އެފްއެސްއެމްއާ ވާދަކޮށް 7-3 ނެވެ. މެޗުގައި އާރުއާރުސީގެ ފުރަތަމަ ދެ ލަނޑު މިނެޓެއްގެ ތެރޭގައި ޖެހީ ހުސައިން ޣައްސާން ލަބީބްއެވެ. މެޗުގެ މޮޅު ކުޅުންތެރިއަކީ ވެސް އޭނާއެވެ. ތިންވަނަ ލަނޑު ޖެހީ އަބްދުالله ޔާމީނެވެ. އެޓީމްގެ އެހެން ލަނޑުތައް ޖެހީ އަލީ ހާފިޒު, އިބްރާހީމް ސިނާހު, އަލީ ޝާމިސް އަދި އަލީ ޝިފާއުއެވެ. މެޗުގެ 26 ވަނަ މިނެޓުގައި އިބްރާހީމް އަސްވަދުއަށް ރަތްކާޑް ދެއްކިއެވެ. އެފްއެސްއެމްގެ ތިން ލަނޑު ޖެހީ މުހައްމަދު ޝާންއާއި އަލީ އަލްސަންއާއި އަބްދުالله ޒިޔާންއެވެ.

ވެމްކޯ ސެމީފައިނަލް މެޗުގައި ކުރި ހޯދީ ޔުނައިޓެޑް ބީއެމްއެލްގެ މައްޗަށެވެ. މެޗުގެ މޮޅު ކުޅުންތެރިޔާ އަލީ ރެޒާ ހަތަރު ލަނޑު ޖެހިއެވެ. ވެމްކޯގެ އެހެން ލަނޑުތައް ޖެހީ އަހުމަދު ވިޖުދާންއާއި އިސްމާއީލް ވަޖީހުއާއި އަބްދުالله ޖުނެއިދުއެވެ. މީގެތެރެއިން ވަޖީހު ދެ ލަނޑު ޖެހިއެވެ. ބީއެމްއެލްގެ ތިން ލަނޑު ޖެހީ އަހުމަދު ހުނެއިފްއާއި އިޝާން އިބްރާހީމް އާއި ހައިސަމް ރަޝީދުއެވެ.