މާނޭގެ އަލް ނަސްރު ބަލިކޮށް، ޖެރާޑް އާއެކު އަލް އިއްތިފާޤުގެ ފެށުން މޮޅަކުން

ލިވަޕޫލްފެ ކުރީގެ ކެޕްޓަން ސްޓީވަން ޖެރާޑްގެ އިރުޝާދުގެ ދަށުން ސައުދީ ޕްރޯ ލީގުގައި އަލް-އިއްތިފާޤު ކުޅުނު ފުރަތަމަ މެޗު ކާމިޔާބުކޮށްފިއެވެ.

އަލް-އިއްތިފާޤާއެކު ކޯޗެއްގެ ގޮތުގައި ނުކުމެ ޖެރާޑް ފުރަތަމަ މޮޅު ހޯދީ އޭނާގެ ކުރީގެ ކްލަބް ލިވަޕޫލްގެ ކުރީގެ ފޯވާޑް ސާދިއޯ މާނޭ ކުޅެމުން އަންނަ އަލް-ނަސްރު އަތުންނެވެ. އަލް-ނަސްރުގެ ކުރީގައި ހުރީ މާނޭއެވެ. މިއީ ރޮނަލްޑޯވެސް ކުޅެމުން އަންނަ ކްލަބެވެ. އެކަމަކު އަނިޔާގެ ސަބަބަބުން މެޗުގައި ރޮނަލްޑޯ ނުކުޅެއެވެ. ޖެރާޑް އަލް-އިއްތިފާޤާ އެކު މޮޅަކުން ލީގު ފެށިއިރު މެދުތެރެ ބެލެހެއްޓީ އޭނާއާއެކު ލިވަޕޫލަށް ކުޅުނު ހެންޑަރސަންއެވެ. އެކަމަކު ދެވަނަ ހާފްގައި އޭނާ ބަދަލުކުރިއެވެ.

އަލް-ނަޞްރު އަތުން އަލް-އިއްތިފާޤް މޮޅުވީ 2-1 ނެވެ. މެޗު ފަށައިގެން ހަތަރު ވަނަ މިނެޓުގައި ފުރަތަމަ ލަނޑު ޖަހާ ކުރި ހޯދީ އަލް-ނަޞްރުންނެވެ. އެޓީމަށް ކުރިހޯދައިދިނީ މާނޭއެވެ. އަލް-އިއްތިފާޤުން ނަތީޖާ ހަމަހަމަކުރީ ދެވަނަ ހާފް ފަށައިގެން ދެވަނަ މިނެޓުގައި ރޮބިން ގުއައިސަން ޖެހި ލަނޑުންނެވެ. މެޗުން މޮޅުކޮށްދިން ލަނޑު ޖެހީ މޫސާ ޑެމްބެލޭ އެވެ.