ޓައިވާންގެ ނައިބު ރައީސް އެމެރިކާ އަށް

ޓައިވާންގެ ނައިބު ރައީސް ވިލިއަމް ލައި އެމެރިކާ އަށް ވަޑައިގަންނަވައިފިއެވެ.

އެމަނިކުފާނު އެމެރިކާ އަށް ވަޑައިގަންނަވާފައި ވަނީ ހޮނިހިރު ދުވަހުއެވެ. މީޑިއާ ރިޕޯޓްތައް ބުނާގޮތުން މި ދަތުރުފުޅަކީ ވަރަށް މުހިންމު އަދި އެހާމެ ނާޒުކު މައްސަލަތަކުގެ ވާހަކަތައް ދެކެވިގެންދާނެ ދަތުރުފުޅެކެވެ.

މި ދަތުރުފުޅުކުރައްވަމުން މިދަނީ ޗައިނާ އިން ޓައިވާންގެ ނައިބު ރައީސް އެމެރިކާ އަށް ވަޑައިގަތުން ކުށްވެރިކޮށްފައި ވަނިކޮށެވެ. ޓައިވާން އޮފިޝަލުންނާއި ހަވާލާދީ މީޑިއާ ރިޕޯޓްތައް ބުނާގޮތުން އެ ގައުމުގެ ވަށައިގެން އޮތް ސަރަހައްދުގައި ޗައިނާގެ އަސްކަރީ ހަރަކާތްތައް އިތުރުކޮށްފާނެ ކަމުގެ ބިރު ވަނީ ހީވެފައެވެ. ލައި އަކީ ކުރިއަށް އޮތް ޖެނުއަރީ މަހު ބާއްވާ ޓައިވާންގެ ރިޔާސީ އިންތިޚާބުގައި އެ ގައުމުގެ ވެރިކަމަށް ވަޑައިގަންނަވަން ވާދަކުރައްވާ ކެންޑިޑޭޓެެކެވެ. ޓައިވާންގެ ނައިބު ރައީސް އެމެރިކާ އަށް ވަޑައިގަތީ ޕެރެގުއޭ އަށް ވަޑައިގަތުމަށް ފަހު އެނބުރި ވަޑައިގަތް އިރު ޓްރާންސިޓް ދަތުރެއްގޮތަށެވެ.

މިއީ "ރޫޓީން" ދަތުރުތަކެއް ކަމަށާއި އެ ކަމާއި މެދު ޗައިނާ އިން ފިޔަވަޅު އަޅަން ޖެހޭ ފަދަ ސަބަބެއް ނެތް ކަމަށް ޓައިވާން އާއި އެމެރިކާ އިން ވަނީ ބުނެފައެވެ. އެހެންނަމަވެސް ޗައިނާ އިން ވަނީ މިކަމާއި މެދު ވަރަށް ބޮޑަށް ހިތްހަމަނުޖެހިފައެވެ. އަދި ޗައިނާ އިން ވަނީ މިއީ ޗައިނާ އިން ޓައިވާންގެ ބައެއް ސަރަހައްދުތަކަށް ވެރިވެގަންނަ ކަމަށް ބުނެ ވަކާލާތުކުރާ ކުރުމަށް ވާގިިވެރިވުން ކަމުގައި އެ ޤައުމުން ދެކެއެވެ.

މި ދަތުރުފުޅުގެ އިތުރު ތަފްސީލްތަކެއް ޓައިވާން އާއި އެމެރިކާ އިން ހިއްސާ ކޮށްފައެއް ނުވެއެވެ.