ކެމްޕޭނަށް ރައީސް ޞާލިހު ނ. އަތޮޅަށް
12 އޯގަސްޓު 2023 | ހޮނިހިރު 03:47މި ދަތުރުފުޅުގައި 13 ރަށަކަށް ވަޑައިގަންނަވާނެ
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހް، ގައްދޫގައި ބޭއްވި ޖަލްސާގައި ވާހަކަފުޅުދައްކަވަނީ
ރިޔާސީ އިންތިހާބުގެ ކެމްޕޭނަށް ރައީސް އިބްރާހީމް މުހައްމަދު ޞާލިހު ނ. އަތޮޅަށް ފުރާވަޑައިގަންނަވައިފިއެވެ.
ހޮނިހިރު ދުވަހުގެ ހެނދުނު ރައީސް ފުރާވަޑައިގަންނަވާފައިވާއިރު މި ދަތުރުފުޅުގައި 13 ރަށަކަށް ވަޑައިގަންނަވާނެއެވެ.
ރައީސްގެ މި ދަތުރުފުޅުގެ ތެރެއިން އެކި މަޝްރޫއުތައް އިފްތިތާހުކޮށްދެއްވާނެއެވެ. އަދި ކޮންމެ ރަށެއްގައި ބަނދަރު ބައްދަލުވުން ބާއްވަވާނެއެވެ.
ރައީސްގެ ކެމްޕޭން ދަތުރުފުޅުތަކުގައި މިހާތަނަށް ށ. އަތޮޅުގެ ބައެއް ރަށްތަކަށް ވަޑައިގެންފައިވާއިރު ކ. އަތޮޅާއި ވ. އަތޮޅުގެ ބައެއް ރަށްތަކަށް ވެސް ވަނީ ވަޑައިގަންނަވާފައެވެ. އަދި ހއ. ގެ ބައެއް ރަށްތަކަށް ވަޑައިގެންފައިވާއިރު ފުވައްމުލަކަށް ވަޑައިގެންފައިވެއެވެ. މީގެއިތުރުން ހދ. މ. ގދ އަދި ގއ ގެ ބައެއް ރަށްތަކަށް ވެސް ރައީސް ވަޑައިގެންނެވިއެވެ.
