'ގެޓް ޗަރޖްޑް އެންޑް ވިން' ޕްރޮމޯޝަންގެ ފުރަތަމަ ނަސީބުވެރިން އިއުލާނުކޮށްފި
އިތުރު ނަސީބުވެރި ފަރާތްތަކަށްވެސް ހަދިޔާތައް ލިބިފައިވޭ
'ގެޓް ޗަރޖްޑް އެންޑް ވިން' ޕްރޮމޯޝަން
'ގެޓް ޗަރޖްޑް އެންޑް ވިން' ޕްރޮމޯޝަންގެ ފުރަތަމަ ބުރުގެ ނަސީބުވެރިން މި މަހުގެ 23 ވަނަ ދުވަހު ލައިވްކޮށް ކުރިއަށް ގެންދިޔަ ގުރުއަތަކުން ހޮވައިފި އެވެ.
އެތައް ހާސް ބެލުންތެރިންނެއް ލައިވްކޮށް ބެލި މި ގުރުއަތު ނެގުމުގެ ހަރަކާތުގައި، ބެނެލީ މޯލްޑިވްސް އާއި ލޮޓަސް ބައިކް ޝޮޕްއާ ގުޅިގެން ޗަރޖްޑް އިން ވަނީ ފުރަތަމަ ބުރުގެ ނަސީބުވެރިން ހާމަކޮށްފަ އެވެ.
ގުރުއަތު ނެގުމުގެ ފުރަތަމަ ހަރަކާތުގެ އެންމެ ހާއްސަ ކަމަކަށް ފެނިގެން ދިޔައީ، މުޅިން އާ ބެނެލީ 180އެސް މަރުކާގެ ސައިކަލެއް ހިމެނޭ ބޮޑު އިނާމު ލިބޭ ނަސީބުވެރި ފަރާތް އިއުލާނުކުރުމެވެ. ޗަރޖްޑް، ބެނެލީ މޯލްޑިވްސް އަދި ލޮޓަސް ބައިކް ޝޮޕްގެ ހެޔޮއެދުންތަކާ އެކު، މި ޒަމާނީ ސައިކަލުގައި ދުއްވާލާފައި ދާނެ ފަރާތަކަށް ހޮވުނީ މުހައްމަދު އާދަމްއެވެ.
އަދި އިތުރު ނަސީބުވެރި ފަރާތްތަކަށްވެސް ހަދިޔާތައް ލިބިފައިވެއެވެ.
މިދިޔަ ޖޫން މަހުގެ 23 ވަނަ ދުވަހު، އެކި ގޮތްގޮތުން ފާހަގަކޮށްލެވޭ ތަރިން ބައިވެރިވި ލޯންޗު ހަރަކާތަކާ އެކު ފެށި 'ގެޓް ޗަރޖްޑް އެންޑް ވިން' ޕްރޮމޯޝަން މިހާރު ބާރަށް ކުރިއަށްދާއިރު، ބެނެލީ ސައިކަލާއި ހެލްމެޓާއި ޗަރޖްޑް ކޭސްތައް ފަދަ ހިތްގައިމު އިނާމުތައް ލިބުމުގެ އުފާވެރިކަން އިހުސާސްކޮށްލުމުގެ ފުރުސަތު އަދިވެސް އެބައޮތެވެ.
އޮގަސްޓް 5 އަދި 19 އަދި ސެޕްޓެމްބަރު 2 އަދި 16 ގައި އިތުރު ގުރުތައް ލާން ނިންމާފައި ވާއިރު، ނަސީބުވެރިއަކަށް ވުމުގެ ފުރުސަތު އަދިވެސް އޮތީ ހުޅުވިފަ އެވެ.
ބެނެލީ ސައިކަލާއި އަދިވެސް އިތުރު އިނާމުތައް ލިބޭ ނަސީބުވެރިން އިއުލާނުކުރާނީ ކޮންމެ ދެ ހަފްތާއަކުން – އޮގަސްޓް 5 އަދި 19ގައި އަދި، ސެޕްޓެމްބަރު 2 އަދި 16ގައި – މިއިން ކޮންމެ ރެއެއްގެ 9:30ގައި ޓެލެވިޜަން މޯލްޑިވްސް (ޓީވީއެމް) އިންނެވެ.
ޗަރޖްޑް ދަޅެއް ގަންނައިރު ކަހާލެވޭ ކާޑުކޮޅަކަށް އެދުމުން ލިބޭ އެ ކާޑުކޮޅު ކަހާލުމުން ފެންނަ ފޮރުވިފައިވާ ކޯޑް އެސްއެމްއެސް މެދުވެރިކޮށް 2626އަށް ފޮނުވުމުން 'ގެޓް ޗަރޖްޑް އެންޑް ވިން' ޕްރޮމޯޝަންގައި ބައިވެރިވެވޭނެ އެވެ. މި ޕްރޮމޯޝަންގެ ދަށުން، ބެނެލީ ސައިކަލުގެ އިތުރުން، ޗަރޖްޑް ބްރޭންޑެޑް ހެލްމެޓާއި ޗަރޖްޑް ދަޅު ކޭސް ފަދަ އިތުރު އިނާމުތައް ވެސް ކަސްޓަމަރުންނަށް ހޯދޭނެ އެވެ.
