ސްޕެއިން އާއި ޖަޕާން ދެ ވަނަ ބުރަށް
26 ޖުލައި 2023 | ބުދަ 10:31މިއީ މުބާރާތުގެ ދެ ވަނަ ބުރުން ޖާގަ ހޯދި ފުރަތަމަ ދެ ގައުމު
ސްޕޭން ކުޅުންތެރިން އުފާފާޅު ކުރަނީ
ސްޕެއިން އާއި ޖަޕާން އަންހެނުންގެ ވޯލްޑްކަޕުގެ ދެ ވަނަ ބުރުން ޖާގަ ހޯދައިފި އެވެ.
ޖުމްލަ 32 ޓީމުވާދަކުރާ މުބާރާތުގެ ދެ ވަނަ ބުރުން ސްޕޭން ޖާގަ ހޯދީ ޒެމްބިއާ 5-0އިން ބަލިކޮށްގެންނެވެ. ޖަޕާން ދެ ވަނަ ބުރަށް ދިޔައީ ކޮސްޓަރިކާގެ މައްޗަށް 2-0އިން ކާމިޔާބު ހޯދައިގެންނެވެ.
ސްޕޭނުން ވަނީ ޒެމްބިއާ ކޮޅަށް މެޗުގެ ފުރަތަމަ 13 މިނިޓްގައި ދެ ގޯލު ޖަހައިފަ އެވެ. އެއީ އަބެޔެއިރާ އާއި ހާމޯސޯ ޖެހި ލަނޑުތަކުންނެވެ. ހާމޯސޯ އާއި ރޮޑޮންޑޯ ވަނީ މި މެޗުގައި ދެ ލަނޑު ޖަހައިފަ އެވެ. ރޮޑޮންޑޯ ކުޅެން ނުކުތީ ފަހުހާފުގައި ދުނިޔޭގެ މޮޅު ކުޅުންތެރިޔާ އެލެކްޒިއާ ޕުޓެޔާސްގެ ބަދަލުގަ އެވެ.
ސްޕޭނުން ވަނީ އެ ގައުމުން ކުޅުނު ފުރަތަމަ މެޗުގައި ކޮސްޓަރިކާ ބަލިކޮށްފަ އެވެ. އަދި ޖަޕާން ވަނީ އެ ޓީމުގެ ފުރަތަމަ މެޗުގައި ޒެމްބިއާ ބަލިކޮށްފަ އެވެ. މިހެންވެ ގްރޫޕް ބީގެ އެއްވަނަ ޓީމު ކަނޑައަޅާނީ ސްޕޭނާއި ޖަޕާން ކުޅޭ މެޗުންނެވެ. މި ވަގުތު ގްރޫޕުގެ އެއްވަނައިގައި ވަނީ ގޯލުގެ ތަފާތުން ސްޕޭނެވެ.
މި ދެ ގައުމަކީ އޮސްޓްރޭލިޔާ އާއި ނިއުޒީލޭންޑްގައި މިހާރު ކުރިއަށްދާ މުބާރާތުގެ ދެ ވަނަ ބުރުން ޖާގަ ހޯދި ފުރަތަމަ ދެ ގައުމެވެ.
