18/30 ކްލެސިކް މުބާރާތުގައި 11 ލަނޑުގެ މޮޅަކާއެކު ވެމްކޯ ސެމީފައިނަލުން ޖާގަ ހޯދައިފިއެވެ.

ވެމްކޯ ސެމީފައިނަލްގެ ޖާގަ ކަށަވަރުކުރީ 11-0ން އައިޖީެމްއެޗް ކްލަބް ބަލިކޮށްގެންނެވެ. ފުރަތަމަ މެޗުގައި ވެމްކޯ ވަނީ 3-1ން އެމްއޭސީއެލް ބަލިކޮށްފައެވެ. އައިޖީއެމްއެޗް ކޮޅަށް ޖެހި 11 ލަނޑުގެ ތެރެއިން ފަސް ލަނޑު ޖެހީ މެޗުގެ މޮޅު ކުޅުންތެރިޔާ ފަޒްލާ އިބްރާހީމެވެ. އޭގެތެރޭގައި މެޗުގެ ފުރަތަމަ ތިން ލަނޑު ހިމެނެއެވެ. އެހެން ލަނޑުތައް ޖެހީ އާމިނަތު ޝުދާއާއި, މަރްޔަމް ލަމީސްއާއި, އާމިނަތު ޝިޔާނާ މުހައްމަދާއި, ފާތިމަތު ލީސާއާއި, އާމިނަތު ރިސްމާއެވެ. މީގެތެރެއިން ލީސާ ދެ ލަނޑު ޖެހިއެވެ. މިގްރޫޕްގެ ދެވަނާގައި އޮތީ އެމްއޭސީއެލްއެވެ. ފުރަތަމަ މެޗު އެއްވަރުވިޔަސް ދެވަނަ މެޗުގައި 2-0ން ވަނީ އެމްޕީއެލް ބަލިކޮށްފައެވެ.

ގްރޫޕް ބީގައި ޔޫތު މިނިސްޓްރީއާއި ޕްރިޒަން ކްލަބް ވާދަކުރި މެޗު ނިމުނީ ލަނޑެއް ނުޖެހި އެއްވަރުވެގެންނެވެ. މި ދެ ޓީމްވެސް ވަނީ ފުރަތަމަ މެޗު ކާމިޔާބުކޮށްފައެވެ. މިގްރޫޕްގައި ހިމެނޭ އަނެއް ދެ ޓީމްގެ މެޗު ކާމިޔާބުކުރީ މީރާ ރެކްރިއޭޝަން ކްލަބެވެ. އެއީ ހުޅުމާލެ ހޮސްޕިޓަލާ ވާދަކޮށް، 1-0ންނެވެ.