ޔުނައިޓެޑަށް ބަދަލުވުމާ ގާތަށް ޕެރިސިޗް ޖެހިލައިފި

މެންޗެސްޓާ ޔުނައިޓެޑަށް ބަދަލުވުމާ ގާތަށް އިންޓަމިލާނަށް ކުޅެމުން އަންނަ ކްރޮއޭޝިއާގެ މިޑްފިލްޑަރު އިވާން ޕެރިސިޗް ޖެހިލައިފި ކަމަށް ރިޕޯޓްތައް ބުނެފި އެވެ.

ރިޕޯޓްތައް ބުނާ ގޮތުން ޕެރިސިޗް ހޯދުމަށް ޔުނައިޓެޑުން ވަނީ 30 މިލިއަން ޔޫރޯ ހުށަހަޅާފައެވެ. އެހެން ނަމަވެސް ޔުވަންޓަސް އިން ބޭނުން ވަނީ އޭނާ 45 މިލިއަން ޔޫރޯ އަށް ވިއްކާލުމަށެވެ. މީގެ އިތުރުން ރިޕޯޓްތައް ބުނާ ގޮތުން ޕެރިސިޗް ވިއްކާލުމަށް ޔުނައިޓެޑް އަދި އިންޓަ ވަނީ މިހާރު އެއްބަސްވުމަކަށް އައިސްފައެވެ.

ގޯލް ޑޮޓްކޮމް އިން ބުނީ ޕެރިސިޗް ކްލަބުގައި މަޑުކުރަން އިންޓަގެ ކޯޗު ލޫސިއާނޯ ސްޕަލޭޓީ އެދިފަައިވާ ކަމަށެވެ. އެހެންނަމަވެސް އޭނާ ވަނީ ކްލަބް ދޫކޮށްލަން ނިންމާފައިކަމަށް ރިޕޯޓްތައް ބުނެއެވެ.

މިކަމާ ގުޅިގެން އިންޓަގެ ޑިރެކްޓާ އޮފް ފުޓްބޯލް ވޮލްޓާ ސަބަޓިނީ ވިދާޅުވީ، ޔުނައިޓެޑުން ޕެރިސިޗް އަށް ޝައުގުވެރިވާ ކަމަށާއި، އެހެންނަމަވެސް ކްލަބުން އަދި ވަކިގޮތެއް ނުނިންމާކަމަށެވެ. އޭނާ ވިދާޅުވީ، ޕެރިސިޗްއާ އެހެން ކުޅުންތެރިޔަކު ބަދަލުކުރުމުގެ ވިސްނުން އިންޓަގެ އެބަހުރި ކަމަށެވެ.

ޖަރުމަންގެ ވޮލްފްސްބާގް އިން 2015 ވަނަ އަހަރު އިންޓަމިލާނަށް ބަދަލުވި ޕެރެސިޗް ވަނީ އެޓީމަށް މިހާތަނަށް ކުޅުނު 79 މެޗުގައި 20 ލަނޑު ކާމިޔާބުކޮށްފައެވެ. މީގެ އިތުރުން ޕެރެސިޗް ވަނީ ވޮލްފްސްބާގްއާ އެކު ޖަރުމަން ކަޕް އަދި ޖަރުމަން ސުޕާކަޕް ކާމިޔާބުކޮށްފައެވެ.

ބްރޯޝިއާ ޑޯޓްމުންޑް އަށް ވެސް ކުޅެފައިވާ ޕެރެސިޗް ވަނީ އެޓީމަށް ކުޅުނު 64 މެޗުގައި 12 ލަނޑު ކާމިޔާބުކޮށް، ބުންޑަސްލީގާ އަދި ޖަރުމަން ކަޕް އެޓީމާ އެކު ކާމިޔާބުކޮށްފައެވެ.