ޖަމައެލް ފޮނުވާލުމަށް ފަހު ނިއު އަށް ސްޕެއިންގެ މިޑްފިލްޑަރެއް ގެނެސްފި

ނިއުރޭޑިއަންރޭޑިއަންޓް ސްޕޯޓްސް ކްލަބަށް ކުޅެމުން އަންނަ ޖަމައެލް ރޮމާނޯ ފޮނުވާލުމަށް ފަހު، އެޓީމަށް ސްޕެއިންގެ މިޑްފިލްޑަރެއް ކަމަށްވާ ލުއިޒް ރުއިޒް (ކަންޑޭލާ) ގެނެސްފި އެވެ.

އަލަށް ނިއު އަށް ގެނެސްފައި ވަނީ ސްޕެއިންގެ ދެވަނަ ޑިވިޝަންގެ ސެލްޓަވިގޯ އަދި އަލްބަކްޓޭ އަށް ކުޅެފައިވާ ކަންޑޭލާ އެވެ. މީގެ އިތުރުން އޭނާ ވަނީ އޮސްޓްރިއާގެ ތިންވަނަ ޑިވިޝަން އަދި ސްޕެއިންގެ ދަށް ޑިވިޝަންތަކަށް ވެސް ކުޅެފައެވެ.

އުމުރުން 30 އަހަރުގެ ކަންޑޭލާ މިހާރު ރާއްޖެ އައިސް ނިއުއާ ގުޅިފައިވާއިރު، އޭނާ މާލޭ ލީގުގައި ކުޅޭ ފުރަތަމަ މެޗަށް ވާނީ އަންނަ ބުދަ ދުވަހު އެޓީމު މާޒިޔާ ސްޕޯޓްސް އެންޑް ރެކްރިއޭޝަނާ ދެކޮޅަށް ކުޅޭ މެޗެވެ. އެ މެޗަކީ މާލޭ ލީގުގައި ނިއު ކުޅޭ ފަހު މެޗެވެ.

ރާއްޖޭގެ މިޑް ޓްރާންސްފާ މިހާރު ހުޅުވާލާފައިވާއިރު، އެޓީމަށް ގިނަ ކުޅުންތެރިންތަކެއް ވަނީ ގުޅިފައެވެ. އޭގެ ތެރޭގައި އަލީ އަޝްފާގު (ދަގަނޑޭ)، ލެބްނާންގެ ހުސެއިން އަލްދޫރަށް އަދި އިބްރާހިމް ފަޒީލް (އޮއްޕޮ) ހިމެނެއެވެ.

ރާއްޖެއެމްވީ އަށް މައުލޫމާތު ލިބިފައިވާ ގޮތުގައި ޖަމެލް ނިއު ދޫކޮށްލާފައިވަނީ އޭނާ އެންމެ ކުޑައިރުއްސުރެ ބަލަމުން އައި އޭނާގެ މާމަ ބަލިވުމުންނެވެ. ޖަމައެލް ކުޑައިރު އޭނާގެ މަންމަ ވަނީ މި ދުނިޔެ ދޫކޮށް ގޮސްފައެވެ.

މީގެ އިތުރުން ދެން ޖަމައެލް ކުޅޭނީ މޯލްޓާގެ ކްލަބަކަށްކަމަށް މައުލޫމާތު ލިބެއެވެ. ޖަމައެލްގެ މާމަ ވެސް ވީ މޯލްޓާގައެވެ.