ނައިކް ބޯޅަ ކަމުނުދިޔައީ 25 އަހަރަށްފަހު!
2025 ވަނަ އަހަރުން ފެށިގެން ބޭނުންކުރާނީ ޕޫމާ ބޯޅަ
އަބްދުﷲ އަޒުމީން | 15 ޖުލައި 2023 | ހޮނިހިރު 01:48
ޕްރެމިއާ ލީގުގައި މިހާރު ބޭނުންކުރާ ނައިކް ބޯޅަގައި ސަލާހް ޖަހަނީ
ފަންސަވީސް އަހަރަށް ފަހު އިނގިރޭސި ޕްރެމިއާ ލީގުން ނައިކް ބޯޅަ އަށް ނޫނެކޭ ބުނެފި އެވެ.
ދުނިޔޭގެ އެންމެ މަޝްހޫރު ލީގުގައި 2025 ވަނަ އަހަރުން ފެށިގެން ބޭނުންކުރާނީ ޕޫމާ ބޯޅަ އެވެ.
ނައިކް ބޯޅަ ބޭނުންކުރުން ޕްރެމިއާ ލީގުން ހުއްޓާލި ސަބަބެއް އެލީހުން ނުބުނެ އެވެ. އަދި މިކަމާ ބެހޭ ގޮތުން ނައިކް، ޕޫމާ އަދި ޕްރެމިއާ ލީގުން ވެސް މިހާތަނަށް އެއްވެސް ތަފްސީލެއް ނުދެ އެވެ.
ކުޅިވަރު ސާމާނު އުފެއްދުމުގައި ނައިކް އާއި ޕޫމާ އަކީ ވަރަށް ވާދަވެރި ދެ ކުންފުންޏެވެ. މީގެ ތެރެއިން ޕޫމާއަކީ އިޓާލިއަން ލީގަށް ބޯޅަ ސަޕްލައި ކޮށްދެމުން އަންނަ ކުންފުންޏެވެ. އަދި ސްޕެނިޝް ލީގުން އެ ކުންފުނީގެ ބޯޅަތައް ބޭނުންކުރެ އެވެ.
