ބަޣާވާތުގެ ވާހަކަ މިއަދު ދެއްކެން ނެތް ކަމަށާއި "ފްރުޓް ސެލަޑް"އަށް ވެފައި ވާކަމަށް މޫސަ ވިދާޅުވެއްޖެ
13 ޖުލައި 2023 | ބުރާސްފަތި 18:11މޫސަ ވަނީ ރައީސަށް ދެވަނަ ދައުރެއް ދިނުމަށް އެދިވަޑައިގެންފައި
ކ. މާފުށީގައި އޮތް އުފާވެރި އަމާން ރާއްޖެ ކެމްޕޭން ޖަލްސާގައި ރީކޯ ވާހަކަފުޅުދައްކަވަނީ
ކުރީގެ ރައީސް މުހައްމަދު ނަޝީދުގެ ވެރިކަން ބަޣާވާތަކުން ވެއްޓުނުކަމުގެ ވާހަކަ މިއަދު ދެއްކެން ނެތްކަމަށާއި "ފްރުޓް ސެލަޑް"އަށް ވެފައި ވާކަމަށް، ރައްޔިތުންގެ މަޖިލީހުގެ ކުރީގެ ރައީސް އަދި އެމްޑީޕީގެ ކުރީގެ ޗެއަރޕަރސަން ރީކޯ މޫސާ މަނިކު ވިދާޅުވެއްޖެއެވެ.
އުފާވެރި އަމާން ރާއްޖެ ކެމްޕެއިން ޖަލްސާގައި ވާހަކަފުޅުދައްކަވަމުން މޫސަ ވަނީ، އޭރު ވެރިކަން ވައްޓާލި ބާޣީން ބޮލަށް ލައިގެން ނަޝީދު ހިންގަވާކަމަށް ވިދާޅުވެފައެވެ. އަދި އޭރު ބާޣީންނަށް ގޮވި މީހުންނާ އެކުވެ، އެ ހުރިހާ އެންމެން ފްރުޓް ސެލަޑަށް ވެފައި ވާކަމަށް އޭނާ ވިދާޅުވިއެވެ.
މޫސަ ވިދާޅުވީ މި ރެޔައީ "އިން އައުޓް"ގެ ރެޔެއް ކަމަށެވެ. އޭނާއަށް އެމްޑީޕީގެ ޕޯޑިއަމްއަކުން ފުރުސަތު މި ލިބުނީ 9 އަހަރު ފަހުން ކަމަށް އޭނާ ވިދާޅުވިއެވެ. އޭނާ ވިދާޅުވީ 2014ގައި އެމްޑީޕީގައި ހުންނަވައި އޭނާ ވެރިކަމުގެ ވާހަކަ ދެއްކެވި ހިސާބުން ގޯސްވި ކަމަށެވެ. އަދި އޭނާ އެމްޑީޕީން ބޭރުކޮށްލީ އެ ހިސާބުން ކަމަށްވެސް މޫސަ ވިދާޅުވިއެވެ. މޫސަ މިފަދައިން ވިދާޅުވީ ކުރީގެ ރައީސް މުހައްމަދު ނަޝީދު ޑިމޮކްރެޓްސްއަށް މިރޭ ސޮއިކުރެއްވި ކުރެއްވުމަށް އިޝާރާތްކުރައްވެއެވެ.
ކުރީގެ ރައީސް މުހައްމަދު ނަޝީދު ވެރިކަމަށް ގެނައުމުން، އެ ސަރުކާރު ވެއްޓުނީ މާގިނަ ކަންކަމެއް ނުކުރެވި ކަމަށް އޭނާ ވިދާޅުވިއެވެ. އޭރު ބަޣާވާތް އަންނަން މެދުވެރިވި ގޮތް އެނގުނީ މިހާރު ކަމަށްވެސް އޭނާ ވިދާޅުވިއެވެ. ކުރިން އެ ވެރިކަން ނިމުނީ ބަޣާވާތަކުންހެން ހީވިނަމަވެސް އެއީ އޭރު ހީވި ގޮތް ކަމަށް އޭނާ ވިދާޅުވިއެވެ.
މޫސަ ވަނީ ރައީސަަށް ދެ ވަނަ ދައުރެއް ދިނުމަށް އެދިވަޑައިގެންފައެވެ. ތަރައްގީ އެދޭނަމަ އެއީ މުހިންމު ކަމެއް ކަމަށް އޭނާ ވިދާޅުވިއެވެ.
