ފީފާ ވިމެންސް ވޯލްޑް ކަޕަށް 25 ދުވަހުގެ ކައުންޓްޑައުން އެއް ފެށުމުގެ ގޮތުން އެތައް ހާސް ފުޓުބޯޅަ ސަޕޯޓަރުން ސިޑްނީ ހާބަރު ބްރިޖް ހުރަސްކޮށްފި އެވެ.

މިއަހަރުގެ މުބާރާތް ބޭއްވުމަށް ހަމަޖެހިފައިވަނީ ޖުލައި އަދި އޮގަސްޓް މަހު އޮސްޓްރޭލިއާ އާއި ނިއުޒިލެންޑުގެ ނުވަ ސިޓީ އެއްގައެވެ.

ފީފާއިން ނެރުނު ބަޔާނެއްގައި ބުނީ މި މުބާރާތުގެ ކުރިން "ފުޓްބޯޅައިގެ ފެސްޓިވަލެއް" ގެ ދަށުން 4،000 އަށް ވުރެ ގިނަ މީހުން ބްރިޖް ހުރަސްކޮށްފައިވާ ކަމަށާއި މި މުބާރާތުގައި 32 ގައުމެއްގެ ޓީމުތައް ބައިވެރިވާނެ ކަމަށެވެ. ބްރިޖުގައި ބޭއްވި ހަރަކާތުގައި 17 މީޓަރުގެ ދިގު "ޔުނިޓީ ޖާޒީ" އިފްތިތާހު ކުރުން ހިމެނުނެވެ.

ފުރަތަމަ މެޗުގައި ޖުލައި މަހުގެ 20 ވަނަ ދުވަހު ނިއުޒިލެންޑުގެ އެންމެ ބޮޑު ސިޓީ އޮކްލޭންޑްގެ އީޑެން ޕާކުގައި ބައްދަލުކުރާނީ ނިއުޒިލެންޑާއި ނޯވޭ އެވެ.