"އައްޔާރީގެ" ޝޫޓިން ފަށައިފި

ހިންދީ ފިލްމު "އައްޔާރީ"ގެ ޝޫޓިން ފަށައިފިއެވެ.

ނަސީރުއްދީން ޝާހު ލީޑް ރޯލުން ފެނިގެންދާ "އައްޔާރީ" ގެ ޑައިރެކްޓަރަކީ ނީރަޖް ޕާންޑޭއެވެ. ނަސީރުއްދީން ޝާހު މިހާރު ވަނީ "އައްޔާރީ" ގެ ޝޫޓިން އާއި ގުޅިފައެވެ. ފިލްމުގެ ޑައިރެކްޓަރ ނީރަޖް ޕާންޑޭ ކޮށްފައިވާ ޓްވީޓެއްގައި ބުނެފައިވަނީ "އައްޔާރީ" ގެ ސެޓަށް ނަސީރުއްދީނަށް މަރުހަބާ ކިޔާކަމަށާއި ނަސީރުއްދީން ޝާހު ފެނުމުން އޭނާ އުފާވާ ކަމަށެވެ.

ނަސީރުއްދީން ކުޅެފައިވާ ފިލްމުތަކުގެ ތެރެއިން "އަ ވެނިސްޑޭ" އަކީ މަޝްހޫރުވި ފިލްމެކެވެ.

މި ފިލްމުގައި ނަސީރުއްދީން ޝާހުގެ އިތުރުން ފެނިގެންދާނީ ސިދާތު މަލޯތުރާއާއި މަނީކް ބާޖްޕާއެވެ. ސިދާތު މަލީތުރާ އާއި މަނޯޖް ވާޖްޕާ އެކުގައި ފެނިގެންދާ ފުރަތަމަ ފިލްމެވެ.

މި ފިލްމަކީ ސިފައިންގެ ދެމީހެއްގެ ހަޔާތާއި ގުޅޭ ގޮތުން ލިޔެވިފައިވާ ވާހަކައެއްގެ މައްޗަށް ބިނާކޮށް ހަދާ ފިލްމެކެވެ.

"އައްޔާރީ" ގެ ޝޫޓިން ކުރިއަށްދާނީ އިނގިރޭސި ވިލާތުގައާއި އިންޑިއާގެ ދިއްލީގެ އިތުރުން ކަޝްމީރުގައެވެ. 2018 ވަނަ އަހަރުގެ ޖެނުއަރީ މަހުގެ ތެރޭގައި ރިލީޒްކުރާނެކަމަށް ބުނާ މިފިލްމުގެ ޝޫޓިން ކުރިއަށް ގެންދާނީ ގާތްގަނޑަކަށް ދެ މަސްދުވަސް ވަންދެންކަމަށް ޚަބަރުތައް ބުނެއެވެ.