އައިއޯއައިޖީގައި 17 ކުޅިވަރު، ބީޗް ވޮލީ ހިމަނަން މަޝްވަރާކުރަނީ
23 ޖުލައި 2023 | އާދީއްތަ 04:42މުބާރާތުން ވަނީ ފަސް ކުޅިވަރެއް އުނިކޮށްފައި
އައިއޯއައިޖީގައި ކުޅުނު ފުޓްބޯޅަ މެޗެއްގެ ތެރެއިން
އިންޑިއަން އޯޝަން އައިލެންޑް ގޭމްސްގައި 17 ކުޅިވަރެއް ބާއްވަން ކަނޑައަޅައި، ބީޗްވޮލީ ހިމެނުމާމެދު މަޝްވަރާކުރަން ނިންމައިފި އެވެ.
އޮގަސްޓް 23ގައި މަޑަގަސްކަރާގައި ބާއްވާ އިންޑިޔާ ކަނޑުގެ ޖަޒީރާ ގައުމުތަކުގެ ކުޅިވަރު މުބާރާތުގައި 23 ކުޅިވަރެއް ކުޅުމަށް ވަނީ ނިންމާފައެވެ. ނަމަވެސް އެކަށީގެންވާ ތަރުހީބު ނުލިބުމާއި އިންތިޒާމީ މައްސަލަތަކާހުރެ ފަސް ކުޅިވަރެއް ވަނީ ނުބާއްވަން ނިންމައިފަ އެވެ. އެއީ އާޗަރީ އާއި ސާފިން އަދި އަންހެނުންގެ ބޮކްސިން އާއި ޔޮޓް ރޭސްތަކާއި ވޮންޑޯއެވެ.
ކުރިއަށް ގެންދަން ނިންމާފައިވާ 17 ކުޅިވަރަކީ ބެޑްމިންޓަނާއި ބާސެކްޓް ތްރީ އޮން ތްރީ އާއި ފައިވް އޮން ފައިވް އާއި ފިރިހެނުންގެ ބޮކްސިން އާއި ފިރިހެނުންގެ ސައިކްލިންއާއި ބަރުއުފުއްލުމާއި ހޭންޑްބޯޅަ އާއި ޖޫޑޯ އާއި ކަރާޓޭ އާއި ރެސްލިންގެ އިތުރުން ފެތުމާއި ޕެޓާންކް އަދި ރަގްބީ އެވަން އޮން ސެވަން އާއި ޓެނިހާއި ޓޭބަލް ޓެނިސް އަދި ވޮލީބޯޅަ އާއި ފުޓްބޯޅަ އެވެ.
އިންޓަނޭޝަނަލް ގޭމްސް ކޮމިޓީގެ ރައީސް އެންޓޯނިއޯ ގޯޕާލް ބުނީ ގޭމްސްގައި ކުޅޭނެ ކުޅިވަރުތައް ނިންމީ މަޑަގަސްކަރަ އަށް ތައްޔާރުވެގެން ބޭއްވޭނެ ކުޅިވަރުތަކަށާއި ތައްޔާރީތަކަށް ބެލުމަށްފަހު ކަމަށެވެ.
އައިއޯއައިޖީގައި ބައިވެރިވާން ނިންމާފައިވަނީ މޮރިޝަސް އާއި މަޑަގަސްކަރަ އާއި ސޭޝެލްސް އަދި ދިވެހިރާއްޖެ އާއި ކޮމޮރޯސް އާއި މަޔޯޓޭ އަދި ރިޔޫނިއަން އެވެ.
