ތުޅާދޫ ހޮސްޕިޓަލް އިމާރާތް ކުރުމުގެ އަމަލީ މަސައްކަތް ފަށަން ތައްޔާރުވެއްޖެ
ތުޅާދޫގައި ތަރައްގީ ކުރަނީ 30 އެނދުގެ ހޮސްޕިޓަލެއް
ތުޅާދޫ ހޮސްޕިޓަލް އިމާރާތް ކުރުމަށް ބޭނުންވާ ސާމާނު އެ ރަށަށް ގެންގޮސްފައި
ބ. ތުޅާދޫގައި ތަރައްގީ ކުރާ އައު ހޮސްޕިޓަލް އިމާރާތް ކުރުމުގެ އަމަލީ މަސައްކަތް ފެށުމަށް ތައްޔާރުވެއްޖެއެވެ.
މި މަސައްކަތް ސަރުކާރުން ހަވާލުކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާއެވެ. އެ ކުންފުނިން މައުލޫމާތު ދޭ ގޮތުގައި މި މަޝްރޫއުގެ މަސައްކަތް ފެށުމަށް މި މަހުގެ 7 ވަނަ ދުވަހު ވަނީ ޕްރޮޖެކްޓް ސައިޓު މޮބިލައިޒް ކޮށްފައެވެ.
ހެލްތު މިނިސްޓްރީން އެމްޓީސީސީއާ ހަވާލުކޮށްފައިވަނީ ތުޅާދޫގައި 30 އެނދުގެ ހޮސްޕިޓަލެއް ތަރައްގީ ކުރުމަށެވެ. މި މަސައްކަތް އެ ކުންފުންޏާ ހަވާލުކުރީ މިއަހަރުގެ ޖެނުއަރީ މަހުގައެވެ.
މިއީ އަތޮޅުތެރޭގެ ސިއްޙީ ނިޒާމު ފުޅާކުރުމަށް ސަރުކާރުން ހިންގާ މަޝްރޫއުގެ ދަށުން ކުރިއަށްގެންދާ މަޝްރޫއެކެވެ. އެގޮތުން، މި މަޝްރޫއުގެ ދަށުން ސަރވިސް ބްލޮކަކާއި އެކޮމޮޑޭޝަން ބްލޮކެއް ހިމެނޭހެން ދެ ފަންގިފިލާގެ އިމާރާތެއް އެޅުމަށް ވަނީ ހަމަޖެހިފައެވެ.
ތުޅާދޫގައި މިވަގުތު ހުންނަނީ ސިއްޙީ މަރުކަޒެކެވެ. ސިއްހީ މަރުކަޒުގެ ޖާގައިގެ ދަތިކަން ދިމާވެފައިވާއިރު އައުު ހޮސްޕިޓަލާއެކު އެކަމަށް ހައްލު ލިބިގެންދާނެއެވެ.
ތުޅާދޫ ހޮސްޕިޓަލުގެ މަސައްކަތް އެމްޓީސީސީއާ ހަވާލުކޮށްފައިވަނީ 123،667،047.03 (ސަތޭކަ ތޭވީސް މިލިއަން ހަ ލައްކަ ފަސްދޮޅަސް ހަތްހާސް ސާޅީސް ހަތް ރުފިޔާ ތިން ލާރި) އަށެވެ.
