ހެއްޔާ މަކިޓާ މުބާރާތުގެ ވަނަތައް ހޮވައި އިނާމު ހަވާލުކޮށްފި

މަކިޓާ ޕަވަޓޫލްސް ބޭނުންކޮށްގެން ދިވެހިންގެ ފަންނުވެރިކަން ދައްކާލުމަށް އެސްޓީއޯއިން މިދިޔަ އަހަރު ކުރިޔަށްގެންދިޔަ "ހެއްޔާ މަކިޓާ މުބާރާތް 2022"ގެ ވަނަވަނައަށް އައި ފަރާތްތަކަށް އިނާމު ދީފިއެވެ.

މުޅި ރާއްޖެއަށް ހުޅުވާލައިގެން ކުރިއަށްގެންދިޔަ މި މުބާރާތުގެ ބައިވެރިންނަށް އިނާމު ދީފައިވަނީ އެސްޓީއޯ ޓްރެއިނިންގ އިންސްޓިޓިއުޓްގައި އާދީއްތަ ދުވަހު ބޭއްވި ހަފްލާއެއްގައެވެ.

އެއްވަނައަށް ގޮސްގެން 50،000 ރުފިޔާގެ އަގުހުރި މަކިޓާ ޓޫލްސް ލިބޭ ވައުޗަރ ލިބިފައިވަނީ ހަސަން ޝާހިދަށެވެ. އޭނާ ތައްޔާރުކޮށްފައިވަނީ ތަފާތު ތަކެތި ހިމެނޭ މަންޒަރެކެވެ.

ދެވަނަ ލިބިފައިވަނީ އުނދޯއްޔެއް ތައްޔާރުކުރި އަހުމަދު ހުސައިން މަނިކަށެވެ. ދެވަނަ އިނާމުގެގޮތުގައި ދީފައިވަނީ 30،000 ރުފިޔާގެ އަގުހުރި މަކިޓާ ޓޫލްސް ލިބޭ ވައުޗަރެކެވެ.

ތިންވަނަ ލިބިގެން 15،000 ރުފިޔާގެ އަގުހުރި، އެސްޓީއޯ ޕީޕަލްސް ޗޮއިސް ހޯމް އެންޑް ކިޗަން ޕްރޮޑަކްޓްސް ވައުޗަރ ލިބިފައިވަނީ މުހައްމަދު ރަޝީދަށެވެ. މަކިޓާ ޓޫލްސް ބޭނުންކޮށްގެން އޭނާ ތައްޔާރުކުރީ ޑްރެސިންގ ޓޭބަލެކެވެ. 

މި މުބާރާތުގެ ވަނަތައް ހޮވާފައިވަނީ ފަނޑިޔާރުންގެ 70 އިންސައްތައާއި އާއްމުންގެ 20 އިންސައްތަ، އަދި ހުށަހެޅި ވީޑިއޯއަށް 10 އިންސައްތަ މާކްސް ދީގެންނެވެ.